यसवर्षको धान दिवस सल्यानमा यसरी मनाइयाे ( फोटो फिचर)

तस्वीर पुरुषोत्तम गिरी

मौरीपालक किसानलाइ ४ सय मौरीघार वितरण

विदेश जान भिसा आएका युवा समेत मौरीपालनमा

सल्यान असार १३ । जिल्ला कृषि विकास कार्यालय सल्यानले कालिमाटी रामपुर गाविसका मौरीपालक कृषकहरुलाई चारसय मौरीघार वितरण गरेको छ । जिल्ला कृषि विकास कार्यालयको युवा लक्षित कार्यक्रम मार्फत प्रगतिशिल मौरीपालन समुहका २० जना मौरीपालन युवा कृषकहरुलाई प्रति व्यक्ति २० वटा का दरले चार सय मौरी सहितका घार वितरण गरेको हो ।
विदेश जाने युवाहरुलाई गाउँ घरमै रहेका श्रोत साधनको प्रयोग मार्फत उद्यमी बनाउन र व्यावसायिक मौरी पालनको थप विकासका लागी मौरीका घार सहयोग गरिएको जिल्ला कृषि विकास कार्यालय सल्यानका वरिष्ठ कृषि विकास अधिकृत टेक प्रसाद लुइटेलले जानकारी दिए ।
कृषि विकास कार्यालयले ४ सय घार सहयोग गरेसँगै सो समुहका २० जना सदस्यसँग झण्डै ८ सय घार भएका छन् । कालिमाटी क्षेत्रलाइ मौरीपालनको व्यावसायिक विकास गरि पकेट क्षेत्रको रुपमा विकास गर्नका लागी एकै क्षेत्रमा सो सहयोग गरिएको उनले बताए । 
युवा लक्षित कार्यक्रम सो क्षेत्रमा लागेसँगै विदेश जान ठिक्क भएका केहि किसान भने मौरीपालनमा होमिएको उनिहरुले बताएका थिए । सो समुहका अत्तयक्ष अमर बहादुर वलीले भने मौरीलाइ हामीले खाली समयमा गरिने व्यवसायको रुपमा लिएका थियौ, समुहका कति साथीहरुको त विदेश जान भने भिसा समेत आएको थियो तर अव व्यावसायिक रुपमा मौरी पालन गर्न शुरु गरेर घरमै बसेर केहि गर्न भनेर विदेश जानुभएन । अहिले सवै सदस्यको घरमा प्रति घर ४० वटा घार रहेको समुहका उपाध्यक्ष दल बहादुर वलीले बताए ।
एक एक जनालाई सहयोग गरि जिल्ला भरी समेट्न सहयोग गर्दा व्यावसायिकताको विकास हुदैन वरिष्ठ कृषि विकास अधिकृत लुइटेलले भने त्यसैले कालिमाटी क्षेत्रमा मह उत्पादनको थलो बनाउनका लागी एकै ठाउँमा सहयोग दिएका हौँ । कार्यक्रममा प्रमुख जिलला अधिकारी कृष्ण प्रसाद आचार्य र स्थानिय विकास अधिकारी हरि प्रसाद दाहालले मौरीपालनको विकासको  र चरण क्षेत्रको समेत व्यवस्थापनका लागी योजनावद्ध तरिकाले अघि बढ्नुपर्नेमा जोड दिए । 
सो क्रममा मौरीपालक किसानहरुलाई एक एक थान मह मदानी समेत वितरण गरिएको थियो । कार्यालय सो क्षेत्रमा चार वर्षमा ३० हजार मौरीका घार बनाउने लक्ष्य लिएको छ । साथै अन्य जिल्लामा मौरी गोला निर्यात तथा महको लेवल र प्याकेजका लागी समेत काम भैरहेको कार्यालयले जनाएको छ ।
चरणका लागी १० हजार कल्की फूल लगाउने योजना रहेको पनि सो अवसरमा बताइएको थियो । कार्यक्रममा जिल्लाका राजनितिक दलका प्रमुख, सरकारी कार्यालयका प्रमुख लगायतको सहभागिता थियो । यस वर्षको युवा लक्षित कार्यक्रम अन्र्तरगत कार्यालयले मौरीपालनका २० जना कृषकका लागी ३६ लाख लगानी गरेको पनि जानकारी दिएको छ ।

एसएलसि परिक्षाकाे सल्यानको यस वर्षको नतिजा

मुख्य खवर

 श्रोत जिल्ला शिक्षा कार्यालय सल्यान

धनवाङ गाविस आगामी असार १९ मा खुल्ला दिशामुक्त हुने ।।

शँकर के सी
२०, जेठ, रेडियो कपुरकोट, सल्यान ।।

चर्पि किन बनाउनुपर्छ भन्ने बारेमा गाउँघरमा पर्याप्त ज्ञान नहुँदा पनि कतिपयले चर्पि नबनाएको सल्यान कपुरकोटमा आयोजीत एक कार्यक्रमका सहभागीहरुले बताएका छन् ।

धनवाङ गाविस स्तरिय खानेपानी सरसफाइ तथा स्वच्छता समन्वय समितीको आयोजना र पास नेपाल सल्यानको सहयोगमा आज भएको सरसफाइ सम्बन्धी गाविस स्तरिय अभिमुखिकरण तथा कार्यशाला निर्माण कार्यशाला गोष्टीका सहभागीहरुले चर्पिको महत्व बुझाउनुपर्ने आवश्यकता औलाएका हुन् ।

कार्यक्रममा पास नेपाल सल्यानका कार्यक्रम अधिकृत विनोद शर्माले घरमा चर्पि नहुदा दिशा लागेको बेला रोकेर बस्नुपर्ने, रातको समयमा खुल्ला दिशा गर्दा जंगली जनावरको आक्रमण हुन सक्ने, बृद्धबृद्धा तथा विरामीलाइ समस्या हुने भएकाले चर्पि बनाउनमा सबैले ध्यान दिनुपर्ने बताउनुभयो ।

यस्तै उच्च माध्यामिक विद्यालय किमुचौरका प्राचार्य दामोदर शर्माले ८० प्रतिशत चर्पि प्रयोग गर्न नजान्ने विद्यार्थी विद्यालयमा आउने गरेको बताउनुभयो । यसले कतिपयको घरमा चर्पि नभएको र चर्पि भए पनि प्रयोग विहिन अवस्थामा रहेको प्रष्ट हुने उहाँको भनाइ छ ।

यीनै कुराहरुलाइ मध्यनजर गरेर आजको कार्यशाला गोष्टीले आगामी असार १९ गते शनिबार धनवाङ गाविसलाइ खुल्ला दिशामुक्त क्षेत्र घोषणा गर्ने र त्यस अघि चर्पि नबनाएकालाइ घरमै गएर बनाउन अनुरोध गर्ने र बनाएका चर्पि प्रयोग भएनभएको अनुगमन गर्ने निर्णय गरेको छ ।

धनवाङ गाविसमा जम्मा ११ सए ३२ घरधुरी मध्ये १ हजार ५८ घरमा चर्पि बनेका छन् भने १३ घरमा चर्पी बनिरहेको र ६१ घरमा चर्पि बन्न बाँकी रहेको छ ।

जस मध्ये २२ घरधुरीमा चर्पि बन्न बाकी रहेको वडा नम्बर १ किमुचौरमा यहि २३ गते र १८ घरधुरीमा चर्पि बन्न बाकी रहेको वडा नम्बर ६ लामीडाडा र पाखापानीमा २४ गते भिवाससीसी धनवाङका अध्यक्ष टुकाराम ओलि संयोजक रहेको ९ सदस्यीय अनुगमन टोलिले चर्पि बनाउन अनुरोध गर्ने निर्णय भएको छ ।

आजको कार्यक्रममा सहभागीहरुले १९ असारमा गाविसलाइ खुल्ला दिशामुक्त घोषणाका लागी सहयोग गर्ने प्रतिबद्धता पनि जनाएका छन् । भिवाससीसी धनवाङका अध्यक्ष टुकाराम ओलिको अध्यक्षतामा भएको कार्यशाला गोष्टीमा काग्रेसका डण्ड बहादुर सेन, एमालेका भुवनेश्वर गौतम, ए माओवादिका रेशम सेर्पाइली, राप्रपा नेपालका विष्णु कडेल, पत्रकार शँकर के सी लगाएत वडा नागरिक मञ्चका संयोजक, महिला स्वास्थ्य स्वयमसेविका र शिक्षकहरुको पनि सहभागीता थियो ।

कार्यक्रमको सहजीकरण भिवाससीसी धनवाङका सदस्य सचिव देवेन्द्र कुमार सेनले गर्नुभएको थियो ।।

विप्लव नेतृत्वको नेकपा माओवादी सल्यान पठाए उद्धार

रेडियो तहल्का /जेठ १९, सल्यान

विप्लव नेतृत्वको नेकपा माओवादी सल्यानले दोस्रो चरणमा उद्धार तथा पुनरनिर्माणमा खटाएका टोली फर्केकै दिन हिजो तेस्रो चरणका उद्धारकर्तालाई परिचालन गरिसकेको छ । हिजो जिल्ला पार्टी सहसेक्रेटी लोकपाल केसीको नेतृत्वमा गएको सल्यानको टोली नुवाकोटको कुमारी पुगेको छ । सल्यानका सहसेक्रेटरी लोकपालको नेतृत्वमा रोल्पा, अर्घाखाँची र प्युठानको टोलीले संयुक्त रुपमा टहरा निर्माण गरिरहेको त्यहाँ पुगेका लोकपालले हामीर्ला जानकारी गराएका छन । सल्यानबाट विभिन्न राजतीतिक दलले उद्धार तथा पुनरनिर्माणमा आफ्ना कार्यकर्ता खटाएका छन । उद्धारका लागि नेपाली काग्रेशका केन्द्रिय सदस्य डिल्लीराज रेग्मी, नेकपा एमाले का टोप बहादुर चन्द, एनेमाओवादीका केन्द्रिय परिषद् सदस्य कृति बहादुर पुन टिम सहित उद्धारका

लागि विभिन्न ठाँउमा पुगेर काम गरिसकेका छन । अन्यले राजनीतिक दलले उद्धारका लागि एक पटक सामुहिक टिम परिचालन गरेपनी विप्लव नेतृत्वको माओवादीले सानो टिम बनाएर ३ वटा टिम परिचालन गरिसकेको माओवादी सल्यानले जनाएको छ ।

साभार : साझा सवाल डटकम

१ सय पूर्णांकमा १ सय १० अंक पाउने दुनियाकै एकमात्र व्यक्ति

फाइल तस्वीर

कुनै पनि विषयको परीक्षामा पूर्णांक भन्दा कसैले बढि अंक पाएको सुन्नुभएको छ ? वास्तवमा पूर्णांक भन्दा प्राप्तांक बढि भन्ने असम्भव नै हो । तर एकजना विद्यार्थीको हकमा भने यो सम्भव भएको थियो । उनले गणितको परीक्षामा १ सय पूर्णांकमा १ सय १० अंक प्राप्त गरेका थिए ।

भारतका चर्चित वैज्ञानिक तथा गणितज्ञ सत्येन्द्र नाथ बोस यो दुनियाका एकमात्र यस्ता व्यक्ति हुन् जसले परीक्षामा पूर्णांक भन्दा बढि अंक प्राप्त गरेका थिए ।

बच्चादेखि नै विलक्षण प्रतिभाका धनी बोसको जन्म कलकत्तामा भएको थियो । प्रारम्भिक शिक्षा घर नजिकैको स्कुलमा लिएपछि उनलाई हिन्दु स्कुलमा भर्ना गरियो । हिन्दु स्कुलमा प्रसिद्ध अध्यापक उपेन्द्र बक्सीले गणित पढाउँथे ।

उनले कक्षामा लिएको परीक्षापछि कपी चेक गरेर विद्यार्थीहरुलाई फिर्ता दिइरहेका थिए । जब उनले सत्येन्द्रको उत्तरपुस्तिका फिर्ता गरे तब उनको उत्तरपुस्तिकामा १ सय पूर्णांकमा १ सय १० अंक दिएको देखियो । यो आश्चर्यजनक घटना वास्तवमा परीक्षाको नियम विपरित थियो । तर यो कसरी सम्भव भयो ?

विद्यार्थीलाई पूर्णांक भन्दा बढि नम्बर दिएपनि स्कुलमा हंगामा मच्चियो । उक्त स्कुलका प्रधानाध्यापकले गणित शिक्षक उपेन्द्रलाई यसको कारण सोधे । शिक्षक उपेन्द्रको जवाफ यस्तो थियो-मैले जे गरेँ, ठिक गरेँ ।

सत्येन्द्रले निर्धारित समयमा कुनैपनि विकल्प नछाडिकन सबै प्रश्नको सही ढंगले उत्तर दिनुका साथै कतिपय प्रश्नलाई एक भन्दा बढि तरिकाबाट समेत हल गरेका छन् । यदि तपाइँले निर्देशन नै दिनुहुन्छ भने त म उनको अंक घटाएर सयमा सय नै बनाइदिउँला, तर यसले सत्येन्द्रको प्रतिभा कम हुँदैन ।

जब प्रश्न नै गल्ती थियो

स्कुल शिक्षा पूरा गरेपछि सत्येन्द्र कलकत्ताको प्रेसिडेन्सी कलेजमा भर्ना भए । त्यस समयमा उक्त कलेजमा प्रसिद्ध वैज्ञानिक जगदिशचन्द्र बोस तथा प्रफुल्ल चन्द्र राय जस्ता शिक्षकहरुले पढाउँथे । मेघनाथ साहा र प्रसान्त चन्द्र महालनेभिस सत्येन्द्रका सहपाठी थिए । कक्षामा सत्येन्द्र प्रथम र साहा दोश्रो हुन्थे, सधै ।

जब उनीहरु एमएससीमा अध्ययनरत थिए त्यसबेला परीक्षामा गणितको प्रश्नपत्रमा सोधिएको एउटा प्रश्न कुनैपनि विद्यार्थीले हल गरेनन् । यस्तो देखेर कलेजका कुलपति अर्थात् गणितका महाविद्वान प्राध्यापक आशुतोषले असन्तुष प्रकट गर्दै सबै विद्यार्थी र शिक्षकलाई भेला पारेर थर्काए । ‘तिमीहरु के पढाउँछौँ अनि विद्यार्थीहरु के पढ्छौ ? मैले बुझ्न सक्दिन । यो पटक मैले गणितको प्रश्नपत्रमा एउटा प्रश्न दिएको थिएँ जसलाई कसैले पनि हल गरेनन् । निकै लाजलाग्दो विषय हो यो ।’

आशुतोषको कुरालाई बिचमै काट्ने हिम्मत कसको हुने ? सबैले मुन्टो निहुराए । तर सत्येन्द्र भने बोलिहाले – सर जब प्रश्न नै गलत हुन्छ भने त्यसलाई कसरी हल गर्ने ?

सत्येन्द्रले प्रश्न नै गलत भएको बताएपछि त्यहाँ सन्नाटा छायो । आशुतोषले तत्कालै सोधे- प्रश्न गलत थियो भनेर कसरी तिमीले भन्न सक्छौ ? सत्येन्द्रले प्राध्यापक आशुतोषकै सामुन्ने प्रश्नलाई गलत सावित गरेर देखाइदिए ।

त्यसपछि आशुतोषले उनलाई धाप मारेर तारिफ गर्न थाले । उनको प्रतिभाको कदर गर्दै स्नातकोत्तर उत्तीर्ण गरेसँगै आशुतोषले सत्येन्द्रलाई कलकत्ता विश्वविद्यालयको प्राध्यापकमा नियुक्त गरे ।

साभार : अनलाइनखवर डट कम

प्रहरी र नागरिकविचको सम्वन्ध सियो जस्तै: डिआईजि अधिकारी (फोटो फिचर सहित)

सल्यान जेठ १८ । मध्यपश्चिम प्रहरी प्रमुख डिआइजी केशव प्रसाद अधिकारीले प्रहरी र नागरिक विचको सम्वन्ध सियोको जस्तै हुनुपर्ने बताउनुभएको छ । 

उद्घाटन मन्तव्य व्यक्त गर्दै डिआइजि केशव प्रसाद अधिकारी

हिरासत अनुगमनका क्रममा सल्यानका प्रजिअ कृष्ण प्रसाद आचार्य

इलाका प्रहरी कार्यालय शितलपाटी सल्यानको नवनिर्मित भवनको उद्घाटन गर्दै डिआइजी अधिकारीले भन्नुभयो जसरी सियोले दुई वटा कपडालाइ जोड्ने काम गर्छ त्यसरी नै प्रहरी र नागरिक विचको सम्वन्ध समाजलाइ एकजुट बनाउनका लागी जोडिनुपर्छ ।

            सियो बन्नुको सट्टा नागरिक र प्रहरी विचको सम्वन्ध कैँचीको जस्तो भएमा नागरिकहरुको मानवअधिकारको प्रत्याभुति गर्न कठिनाइ हुनजाने बताउनुभयो ।

कार्यक्रमका सहभागिहरु

अहिलेको विश्वव्यापिकरणको युगमा नागरिकको  शान्तिसुरक्षाको लागी थप चुनौतिपुर्ण देखिएकाले प्रहरीले चनाखो भएर काम गनुएपर्ने अधिकारीले बताउनुभयो । प्रहरी भित्रका कमिकमजोरी पहिल्याएर प्रहरीलाइ सहि मार्गमा हिडाउन नागरिकको भुमिका महत्वपुर्ण हुने भन्दै अधिकारीले भन्नुभयो प्रहरी भित्र पनि केहि विवेक गुमाएका कर्मचारी छन् तिनिहरुलाई सहि मार्गमा हिडाउनका लागी तपाइहरुले सहयोग गर्नुहोस । कार्यक्रममा प्रमुख जिल्ला अधिकारी कृष्ण प्रसाद आर्चायले जिल्लामा प्रहरीले न्युन श्रोत साधनका विच पनि उल्लेख्य काम गरिरहेको बताउनुभयो । 

नवनिर्मित इप्रका शितलपाटी भवन

आर्चायले भन्नुभयो शान्तिसुरक्षाको लागी सवै गाविसबाट प्रहरी चौकीको अत्याधिक माग छ तर पनि थोरै जनशक्तिका वावजुत अस्थाइ र स्थाइ गरि २९ स्थानमा रहेका प्रहरी चौकीबाट प्रहरीले जिल्लामा शान्तिसुरक्षा स्थापना गर्ने काम गरिरहेको छ । शान्ति तथा पुर्ननिर्माण मन्त्रालय अन्र्तरगतको शान्ति कोषको १ करोड १५ लाखको लागतमा तिन वर्ष लगाएर सो प्रहरी कार्यालयको निर्माण गरिएको हो । २०५८ सालमा तत्कालिन नेकपा माओवादीको आक्रमणबाट प्रहरी चौकीमा कार्यरत ३८ प्रहरीले ज्यान गुमाएका थिए भने प्रहरी चौकी पुर्ण रुपमा ध्वस्त भएको थियो । 

 कार्यक्रममा वल बहादुर गिरी, दिपक भडेल, डिल्ली केसी, क्षेत्र बहादुर विक लगायतलाई सम्मान गरिएका थियो । कार्यक्रममा जिल्ला प्रहरी प्रमुख डिएसपी भोला रावलले जिल्लाको अवस्थाबारे जानकारी गराउनुभएको थियो । 

 तस्वीर सहयोग : सन्तोष विश्वकर्मा