सल्यानको शारदा नदीमा युवक बेपत्ता

सल्यान, असार २७ – सल्यानको शारदा नदीमा एक युवक वेपत्ता भएका छन् ।

नदी तर्ने क्रममा बिहीबार दिउँसो कालीमाटी रामपुर गाविस ४ का २८ वर्षिय कर्णबहादुर सुनार वेपत्ता हुनुभएको हो ।

संगै नदी तर्दै गर्दा बगेका हस्तबहादुर परियारलाई भने बगाउदै गरेको अवस्थामा उद्धार गरिएको स्थानीय गणेश परियारले बताउनुभयो ।

सुनारको खोजीका लागि इलाका प्रहरी कार्यालय कालीमाटी रामपुरबाट प्रहरीको टोली खटिएको छ । कालीमाटी रामपुर गाविसका झिगाने, सेतीखोला, सिमल कुना लगायतका गाउँका वासिन्दाहरु शारदा नदीमा पुल नहुदा बर्षायाममा जोखिम मोलेर वारपार गर्छन् ।

अहिलेसम्म ४० जना भन्दा बढी मानिस नदीमा हराइसकेका छन् ।

सल्यानमा कोठाभित्र निसास्सिएर किशोरीको ज्यान गयो

पुरुषोत्तम गिरी/उज्यालो

सल्यान, असार २५ – सल्यानमा कोठाभित्र धुवाँले निसास्सिएर एक किशोरीको ज्यान गएको छ, एक जना गम्भीर घाइते भएकी छन् ।

एसएलसीको पूरक परीक्षाको तयारीका लागि खलंगा १ काफलाका केबल योगीको घरमा बसेकी त्रिबेणी २ की १७ बर्षिया इन्द्रा बोहराको निसास्सिएर ज्यान गएको हो ।

उहाँसँगै बस्ने फलाबा¨ ८ बडाखोलाकी १८ बर्षिया डिला रावतको गम्भीर अवस्थामा जिल्ला अस्पतालमा उपचार भइरहेको छ । उहाँको होस खुलेको छैन ।

बेलुकी खाना पकाएको भुसे चुलो ननिभाई झ्याल ढोका लगाएर सुत्दा उनीहरु निसास्सिएका हुन् ।

सोमबार बेलुकी खाना खाई सुतेका उनीहरु बिहान अबेरसम्म नउठेपछि हेर्न जाँदा बेहोस अबस्थामा भेटिएको र दुबैलाई उपचारको लागि मोडल अस्पताल श्रीनगरमा लगेको घरबेटी केबल योगीले बताउनुभयो । इन्द्राको उपचारका क्रममा ज्यान गएको हो ।

एउटै कोठामा चार जना बस्दै आएपनि साँघुरो भएका कारण दुई जना घरबेटीकै अर्को कोठामा सुत्न गएका थिए ।

धुवाँमा भएको कार्बनडाइअक्साइडले अक्सिजनको मात्रा न्युन बनाइँदिदा स्वासप्रश्वासमा समस्या भई बेहोस भएको हुन सक्ने जिल्ला अस्पतालका प्रमुख डा. रामराज पन्थीले बताउनुभयो ।
www.unn.cpm.np बाट साभार

एमालेले भन्यो- प्रत्यक्षबाटै सय सिट जितिन्छ

२१ असार, काठमाण्डौं । नेकपा एमालेले आगामी संविधानसभा निर्वाचनमा प्रत्यक्षतर्फ पार्टीले बहुमतकै हाराहारीमा सिट जित्ने प्रारम्भिक चुनावी आँकलन गरेको छ । संविधानसभा निर्वाचनका लागि एकमहिने पार्टी परिचालन अभियान सकिएलगत्तै केन्द्रीय प्रतिनिधिहरूले बुझाएको प्रतिवेदन र रिपोर्टिङलाई आधार मानेर प्रवृत्तिगत विश्लेषण गर्दै एमालेले यस्तो निष्कर्ष निकालेको हो । प्रतिवेदन विश्लेषणपछि त्यसैको निष्कर्षका आधारमा एमालेले केन्द्रीय कमिटीबाट छुट्टै चुनावी योजना र रणनीति पारित गर्ने गरी तयारी अघि बढाएको छ ।

uml flag२ सय ४० निर्वाचन क्षेत्रमध्ये प्रत्यक्षतर्फ कडा प्रतिस्पर्धाविनै सय सिट संख्यामा सहज रूपमै विजय हासिल गर्न सकिने र पूरै तयारीसहित होमिँदा स्पष्ट बहुमत ल्याउन सकिने एमालेले प्रारम्भिक आँकलन गरेको हो । सबै निर्वाचन क्षेत्रका वडा तहसम्मका कार्यकर्ता र स्वतन्त्र व्यक्तिहरूसँग अन्तक्रिया गरी केन्द्रीय प्रतिनिधिहरूले चुनावी आँकलनसम्बन्धी प्रतिवेदन बुझाएका छन् । ‘सबै क्षेत्रबाट प्रतिवेदन त आइसकेका छैनन्, तर साथीहरूको रिपोर्टिङअनुसार अहिलेसम्म १ सय हाराहारी सिटमा सहज रूपमै विजय हासिल गर्न सकिने स्थिति देखिएको छ,’ स्थायी कमिटीका एक सदस्यले भने, ‘धेरै स्थानमा कांग्रेससँगै मुख्य प्रतिस्पर्धा देखिएकाले सोहीअनुसारको चुनावी रणनीति बनाउनुपर्ने देखिन्छ ।’

केन्द्रीय सचिवालयमा अहिलेसम्म अभियानमा खटिएका २५ क्षेत्रका संयोजकले लिखित प्रतिवेदन बुझाएका छन् । बाँकी कतिपय केन्द्रीय प्रतिनिधिहरूले अञ्चल समन्वय कमिटीसँग बसेरै संस्थागत रूपमा प्रतिवेदन बुझाउने तयारी गरी शीर्ष नेता र केन्द्रीय सचिवालयलाई रिपोर्टिङ गरेका छन् । तीमध्ये गोर्खा–२ मा खटिएका दधिराज सुवेदी, गार्खा–३ का चूडामणि जंगली, लमजुङ–२ का वाचस्पति देवकोटा, तेह्रथुमका शेरधन राई, सुर्खेत–१ का यामलाल कँडेल र धादिङ–१ का देवशंकर पौडेलले प्रतिवेदन बुझाएका छन् ।

त्यस्तै, ताप्लेजुङ–१ का देवराज घिमिरे, प्युठान–२ का गोकुल घर्ती, म्याग्दीका गणेश विश्वकर्मा, जाजरकोट–१ का रत्नकुमार शर्मा न्यौपाने, जाजरकोट–२ का निरज आचार्य, ललितपुर–२ का प्रेम महर्जन र ताप्लेजुङ–२ का वसन्तकुमार नेम्बाङले पनि लिखित प्रतिवेलन बुझाएका छन् । त्यस्तै, लमजुङ–१ मा खटिएका जितबहादुर गुरुङ, बर्दिया–१ का शारदाप्रसाद सुवेदी, दैलेख–२ का तर्कबहादुर शाही, पर्वत–१ की थममाया थापा, पर्वत–२ का ऋषिराज शर्मा, बागलुङ–२ का नवराज शर्मा, बागलुङ–३ का भूपेन्द्रबहादुर थापा, धनकुटा–२ का तुलसीप्रसाद न्यौपाने र अछाम–२ का कृष्णप्रसाद जैसीले प्रतिवेदन बुझाएको राजधानी दैनिकमा खबर छ ।

‘एमाओवादी तीव्र गतिमा ओरालो लागेको पाइएकाले हिजोको तुलनामा पार्टीको स्थिति धेरै सुदृढ देखिएको छ, जनमत पार्टीमा आकर्षित भएकाले मेहनत गर्दा पहिलो पार्टी हुन गाह्रो देखिँदैन,’ पोलिटब्युरो सदस्य तथा प्रचार विभाग प्रमुख प्रदीप ज्ञवालीले राजधानीसँग भने, ‘कतिपय स्थानमा एमाओवादी र कांग्रेससँग त्रिकोणात्मक प्रतिस्पर्धा देखिए पनि धेरै ठाउँमा कांग्रेससँगै मुख्य प्रतिस्पर्धा हुने आँकलन गरेका छौं ।’

उनले संख्या भन्दा पनि प्रवृत्तिगत विश्लेषण गरिएकाले पुरै तयारीसहित चुनावमा होमिँदा २७ देखि ३० प्रतिशतसम्म लोकप्रिय मतसहित बहुमत आउने स्पष्ट आधार देखिएको दाबी गरे ।

नदी बढेपछि पढ्न जान बञ्चित

सल्यान, असार २१ – भेरी नदीमा पानीको सतह बढेर डुंगा चल्न छाड्दा सल्यानको बामे गाउँका झन्डै ४० बिद्यार्थी १० दिनदेखि विद्यालय जान पाएका छैनन् ।

नदीमा पुल नहुदा बामे ६ थारा, कारागाउ र पोखराका बिद्यार्थीहरु बिद्यालय जानबाट बन्चित भएका हुन् ।

बिद्यालय जान हिडेका बालबालिकाहरु हिजोआज भेरीको किनारमा पुगेर फर्किन्छन् । उनीहरु सुर्खेत बजेरीचौरको भानु उच्च माविमा पढ्न जान भेरीमा डुंगा चढेर वा पौडी खेलेर जानुपर्छ ।

नदीमा पानीको सतह नघटेसम्म बालबालिका विद्यालय जान नसक्ने स्थानीय शंकर बस्नेतले बताउनुभयो । पुल निर्माणको लागी सम्बन्धित निकायले चासो नदेखाएपछि बालबालिकाहरु समस्यामा परेको उहाँले बताउनुभयो ।

जिल्लाको सबैभन्दा बिकट गाबिस भएकाले सरकारी निकायको आँदा नलागेको स्थानीयको भनाई छ । पुल नहुँदा थारा, कारागाउ र पोखरा स्थानीय वासिन्दाले सामान किन्न जान पनि नपाएको स्थानीय खिमलाल रानाले बताउनुभयो ।

दैनिक डेढ सय मानिसहरु आवतजावत गर्ने ठाउ ठप्प हुदा ठुलो समस्या भएको उहाँको भनाई छ ।

रेखाले बच्चा पाउने भनेपछि एमाओवादीमा खैलाबैला,

नायिका रेखा थापा एक महिनाअघि एकीकृत नेकपा माओवादी पार्टी प्रवेश गर्दा निकै ठूलो हल्लाखल्ला थियो । तर, यतिबेला रेखाबारे कमै चर्चा हुन थालेको छ । यद्यपि नायिका थापाले एउटा निजी टेलिभिजनलाई दिएको २८ मीनेट लामो अन्तरवार्ताको विषयलाई लिएर भने यतिबेला एमाओवादीमा खैलाबैला मच्चिएको छ ।चलचित्र क्षेत्रको स्वच्छन्द दुनियाँमा हुर्केकी रेखाले एमाओवादीमा लागेपछि व्यक्त गरेको विवाह र सन्तानोत्पादन सम्बन्धी स्वच्छन्द विचारप्रति एमाओवादी कार्यकर्ताहरु आक्रोशित भएका हुन् । कसैसँग विवाह नगर्ने, जीवनसाथीमात्रै राख्ने र अर्की रेखा जन्माउने नायिका थापाको विचारप्रति माओवादीभित्र तीव्र बहस शुरु भएको हो । तीन हप्ताअघि हिमालयन टेलीभिजनलाई दिएको अन्तरवार्तामा नायिका थापाले भनेकी थिइन्- ‘पुरुषविना पनि बाँच्न सकिन्छ । कोमल दिदी बिहे नगरी बस्नुभा’छ । मिथिला शर्मा बिहा नगरी बस्नुभा’छ । विवाहले बाँधिन्छ मान्छे ।’

नायिका थापाको भनाइ थियो- ‘म बिबाह गर्दिँन एउटा पुरुष र महिला लाइफटाइम साथी भएर अगाडि बढ्ने । सृष्टि त भइ नै हाल्ला, विवाह बन्धनको खिलाफ त होइन, तर त्यसमा म हल्का परिवर्तन होस् भन्ने चाहन्छु । विवाह नगरौंला तर जीवन साथी त अवश्यै चाहिन्छ । दर्शकहरुले अर्को रेखा हेर्न चाहलान् । कहिले हुन्छ, कहाँ हुन्छ, कोसँग हुन्छ, त्यो मलाई थाहा भएन ।’

विवाह नगर्ने तर लाइफ पार्टनर बनाएर सन्तान जन्माउने रेखाको विचारलाई एमाओवादी नेता, कार्यकर्ताले गैरमाक्र्सवादी अराजकतावादी सोचाइको संज्ञा दिएका छन् ।

विवाहसम्बन्धी रेखाले व्यक्त विचारलाई परम्परागत कम्युनिष्टहरुले पुँजीवादी यौन अराजकता मान्ने गर्छन् । माओवादी कार्यकर्तालाई रेखाले भनेजस्तै ‘लिभिङ टुगेदर’को छुट हुँदैन । तर, एमाओवादी नेता स्वनाम साथी भने रेखा थापाजस्तै लिभिङ टुगेदरका पक्षपाती हुन् ।

अहिलेसम्म जिम्मेवारीविहीन

पार्टी प्रवेशपछि केन्द्रीय सदस्य बन्ने आशा भए पनि पार्टी प्रवेश गरेको एक महिना बितिसक्दा पनि रेखालाई पार्टीले कुनै पद वा जिम्मेवारी दिने छनक देखाएको छैन । रेखाले यतिबेला आफू पदका लागिभन्दा पनि काम र समाज सेवाका लागि पार्टीमा लागेको तर्क गर्दै आएकी छिन् ।

नायिका थापालाई पार्टी प्रवेश गर्नुअघि विभिन्न नेताहरुले विभिन्न खालका सल्लाह दिएको माओवादी स्रोत बताउँछ । एमाओवादीका संगठन विभाग प्रमुख कृष्णबहादुर महराले रेखालाई पार्टी प्रवेश नगरी बाहिरै बसेर सहयोग गर्न सल्लाह दिएको बुझिएको छ । महराको भनाइलाई उर्द्धत गर्दै श्रोतले भन्यो- ‘पार्टीमा योगदान गरेर आएका थु्रपै अन्य कार्यकर्ता पनि छन्, यसैले तपाई एकजना कलाकार भएको नाताले बाहिरबाटै सहयोग गर्दा राम्रो हुन्छ ।’

महराले रेखालाई पार्टीमा आएर तत्काल केन्द्रीय सदस्य पद पाउने आशा नगर्न सुझाव दिएको श्रोतको भनाइ छ । संविधानसभाको निर्वाचनमा समानुपातिकतर्फबाट तपाईलाई संविधानसभामा ल्याउनका लागि कार्यकर्ता नै बन्नुपर्दैन, विभिन्न क्षेत्रका व्यक्तिहरुलाई समानुपातिकमा ल्याउन सकिन्छ, यसैले पार्टीमा प्रवेश गरेर चुनाव नै लड्ने सोचाइ नबोक्नु होला भन्दै महराले रेखालाई सुझाव दिएको स्रोतको दाबी छ । पार्टीमा युवराज लामा, मौसमी मल्लजस्ता लामो समयदेखि सक्रिय कार्यकता हुँदाहुँदै रेखालाई केन्द्रीय सदस्य पद दिन गाह्रो हुने भनाइसमेत महराको रहेको स्रोतले बतायो ।

सुर्खेतमा उद्यम विकास सहजकर्ता कक्षा

सुर्खेत, २० असार । सुर्खेतमा उद्यम विकास सहजकर्ता(इडिएफ) कक्षा सञ्चालन हुने भएको छ । मध्य नेपाल प्राविधिक शिक्षालय सुर्खेतले उद्यम विकास कार्यक्रम(मेडेप)सँगको समन्वयमा सिटिईभिटि अन्तर्गतको राष्ट्रिय सिप परिक्षण समितिसँगको सहकार्यमा उक्त कक्षा सञ्चालन गर्न लागेको हो । मध्यपश्चिममा पहिलो पटक सुर्खेतमा कक्षा सञ्चालन गर्न लागिएको मध्य नेपाल प्राविधिक शिक्षालयका प्रिन्सिपल विनोद लम्सालले जानकारी दिए ।
१५ महिने उक्त कक्षा उत्तिर्ण भएपछि नेपाल सरकारले लोकसेवा आयोगमार्फत लिने उद्यम विकास सहजकर्ता प्राविधिक खरदार सरह परिक्षामा सहभागि हुन पाउनुका साथै अन्य गैर सरकारी संघ संस्थाहरुले सञ्चालन गर्ने लघु उद्यम विकास कार्यक्रममा समेत रोजगारीको अवसर सिर्जना हुने उनले जानकारी दिए । हालसम्म नेपालमा ७ सय १३ जना उद्यम विकास सहजकर्ता उत्पादन भएको तर उक्त संख्या आवश्यकतााभन्दा आधा मात्रै रहेको उद्यम विकास कार्यक्रम क्षेत्रीय कार्यक्रम सहयोग कार्यालय सुर्खेतका उद्यम विशेषज्ञ उत्तम श्रेष्ठले जानकारी दिए ।
मेडेपले यसअघि आफ्नो कार्यक्षेत्रका जिल्लाहरुबाट प्रत्येक वर्ष दुई÷दुई जना आर्थिक अवस्था कमजोर भएका व्यक्तिहरुलाई छात्रवृत्ति प्रदान गरी लघु उद्यम विकास सहजकर्ता कोर्ष अध्ययनको अवसर प्रदान गर्दै आएको छ । उद्यम विकास सहजकर्ता(तह दुई) उत्तिर्ण गरेपछि तीन वर्षको कार्यअनुभवको आधारमा तह तीनको परिक्षा दिने व्यवस्था रहेको विशेषज्ञ श्रेष्ठले जानकारी दिए । यसअघि जनकपुर, भैरहवा र धनगढीमा कक्षा सञ्चालन भइरहेको र सुर्खेतमा यो वर्षदेखि मध्य नेपाल प्राविधिक शिक्षालयले सञ्चालन गर्न लागेको उनले जनाए । उद्यम विकास सहजकर्ता कक्षा उत्तिर्ण गरेका प्रशिक्षार्थीहरु अहिलेसम्म वेरोजगार बन्नु नपरेको श्रेष्ठले दावी गरे । शिक्षालयमा तह दुई उत्तिर्ण मेडेपमा रोजगारीको अवसर सिर्जना गरिने उनले बताए ।
उद्यम विकास सहजकर्ताको पाठ्यक्रम निर्माणकर्ता समेत रहेका उनले मेडेप मोडेलमा कोर्ष डिजाईन गरिएको र नेपाल सरकार उद्योग मन्त्रालय र युएनडिपीको सहयोगमा मेडेप कार्यक्रम सुरुवात गरिएको बताए । यो एउटा तह उत्तीर्ण भन्दा पनि स्वरोजगारका लागि सञ्चालन गरिएको १५ महिने तालिम हो र यसको अन्तिम परिक्षा सिटिभिटि अन्र्तगत राष्ट्रिय सिप परिक्षण समितिले लिने गरेको छ ।

चैते’ भन्दा पार्टीभित्र दुईवटा गुट जन्मिन्छन् : नारायणकाजी '

जनयुद्ध लडेकाले मात्रै साम्यवाद ल्याउने भए अरुलाई सिध्याए हुन्छ'
० असार, काठमाडौं । एकीकृत नेकपा माओवादीका उपाध्यक्ष नारायणकाजी श्रेष्ठ (प्रकाश)ले जनयुद्धपछि एकताको प्रक्रियाबाट एमाओवादी बन्नेहरुलाई ‘चैते’ एवं ‘भाग खान आएका’ भन्ने हो भने पार्टीभित्र स्वाभाविकरुपमा दुईवटा गुट जन्मिने बताउनुभएको छ । ’एकताको प्रक्रियाबाट आउनुभएका साथीहरुलाई अहिले ठूलो पीडाको अनुभूति भएकै छ ।
ललितपुरको हरिसिद्धीस्थित आफ्नै निवासमा विहीबार अनलाइनखरसँग विशेष कुराकानी गर्दै उपाध्यक्ष श्रेष्ठले भन्नुभयो- ‘जनयुद्ध गरेका साथीहरुले ल यी चैतेहरु भाग खान आए, यी त हाम्रा दास हुनुपर्ने वा दोस्रो दर्जाको नागरिक हुनुपर्ने वा दोस्रो दर्जाको पार्टी सदस्य हुनुपर्ने भनेर सोच्ने हो भने स्वाभाविकरुपमा जनयुद्ध गरेर आएका र जनयुद्ध नगरी आएका दुईवटा गुट बन्दै जान्छन् ।’

उपाध्यक्ष श्रेष्ठले भन्नुभयो-’यस्तो गर्नु हाम्रो पार्टीका लागि घातक हुन्छ, कुनै पनि हातमा यस्तो गरिनुहुँदैन । म यसबारेमा नेतृत्व र सबै क्रान्तिकारी साथीहरुलाई विशेष अनुरोध गर्न चाहन्छु हामीले धेरै काम गर्न बाँकी छ । त्यसैले यस्तो संकीर्ण गुट बन्न दिनुहुँदैन ।’ प्रचण्ड नेतृत्वको माओवादीसँग पार्टी एकता गर्नेबेलामै आफूहरुमाथि यस्तो उत्पीडन हुन सक्ने आँकलन गरिएको र केही कालसम्म यस्तो पीडा सहने धैयर्ताका साथ पार्टी एकता गरिएको श्रेष्ठले बताउनुभयो । अर्का उपाध्यक्ष डा. बाबुराम भट्टराईले पदत्याग गरेपछि पदाधिकारीको बैठकमा आमन्त्रितका रुपमा सहभागी भैरहन अप्ठ्यारो हुने उहाँले बताउनुभयो । साथै आफू यतिबेला ५७ वर्ष पुगेको र ६५ वर्षसम्म सक्रिय राजनीतिबाट अलग नहुने उहाँले बताउनुभयो ।

आगामी साउन ४ गते हुने विस्तारित बैठकले पार्टीभित्रका सबै समस्याहरु हल गर्न नसक्ने र त्यहाँ संगठनको विषयमात्रै मुख्य हुने भएकाले आफूले उठाउँदै आएको राष्ट्रिय स्वाधीनताबारे छलफल गर्न चुनावपछि अर्को विस्तारित बैठक बोलाइनुपर्ने उहाँले बताउनुभयो । उपाध्यक्ष प्रकाशले माओवादीका महासचिव रामबहादुर थापा वादल आफ्नो निवासमा कहिलेकाहिँ खाना खानेगरी आउने गरेको तर, माओवादीसँग पार्टी एकताबारे छलफल नचलेको स्पष्ट पार्नुभयो । अनलाइन खवर डट कमबाट साभार

एमाले युवा को कहाँबाट चुनाव लड्दै छन् ?

काठमाडौं : निर्वाचनको मिति घोषणासँगै दलहरुभित्र उम्मेदवारको चर्चा हुन थालेको छ । प्रमुख दलहरुभित्र अत्याधिक उम्मेदवार युवा पुस्तालाई बनाउनु पर्ने सामुहिक र संगठित दवाव पनि बढेको छ । कुल मतदातामध्ये अत्यधिक युवा पुस्ता रहेकाले पनि युवाहरुको उम्मेदवारी भए निर्वाचनमा विजय हासिल गर्न सहज हुने विश्लेषण पार्टीभित्र हुने गरेको छ । धर्ती आवाज अनलाइनले प्रमुख दलहरुभित्र युवाहरुको उम्मेदवारी वारे भइरहेका चर्चा र युवा नेताहरुको उम्मेदवारी चाहनाका विषयमा निरन्तर सूचना प्रवाह गर्दै जानेछ । अहिले मुलुकको प्रमुख दल मध्येको एक एमालेभित्र युवा नेताहरुले चुनावमा कसरी उम्मेदवार बन्ने प्रयास गर्दैछन् र उनीहरुको उम्मेदवारे भएका चर्चाको अध्ययन विश्लेषण गरेका छौं । एमालेका युवा नेताहरुलाई भेटेर तथा टेलिफोनमा सम्पर्क गरीे उम्मेदवार बन्ने चाहना र उम्मेदवारी चर्चा तथा उनीहरुकै रोजाईको निर्वाचन क्षेत्र तल प्रस्तुत गरिएको छ । युवा नेताले चुनाव लड्न चाहना गरेको जिल्ला र निर्वाचन क्षेत्र उनींहरुसँग भएको कुराकानी र पार्टी पङतीमा चलेको चर्चाका आधारमा तयार पारिएको हो ।

क्र.सं युवा नेताको नाम जिल्ला क्षेत्र नं
१ योगेश भट्टराई काठमाडौं , क्षेत्र नं ६
२ भानुभक्त ढकाल काठमाडौं , क्षेत्र नं ९
३ ठाकुर गैरे पाल्पा , क्षेत्र नं २
४ नरेश खरेल झापा, क्षेत्र नं.४
५ महेश बस्नेत भक्तपुर, क्षेत्र नं २
६ खिमलाल भट्टराई रुपन्देही , क्षेत्र नं १,३ वा ५
७ शेरधन राई भोजपुर , क्षेत्र नं २
८ बिशाल भट्टराई खोटाङ, क्षेत्र नं २
९ रविन कोइराला झापा , क्षेत्र न १
१० दीपक कार्की झापा , क्षेत्र नं ६
११ जगन्नाथ थपलिया चितवन , ्क्षेत्र नं २
१२ देवी ज्ञवाली चितवन, क्षेत्र न ४
१३ रामकुमारी झाक्री काठमाडौको कुनै क्षेत्र
१४ गरिमा शाह कैलाली , क्षेत्र नं १
१५ गोकुल घर्ती रोल्पा, क्षेत्र नं २
१६ कर्ण थापा वाजुरा , क्षेत्र नं १
१७ डा. विजय पौडेल काठमाडौंको कुनै
१८ रविन्द्र अधिकारी कास्की , क्षेत्र नं ३
१९ घनश्याम भूसाल रुपन्देही, क्षेत्र नं ३
२० ठाकुर गैरे पाल्पा, क्षेत्र नं २
२१ खगराज अधिकारी कास्क, क्षेत्र नं २
२२ शेरवहादुर तामाङ सिन्धुपाल्चोक, क्षेत्र नं २
२३ राजेन्द्र राई भोजपुर , क्षेत्र नं १
२४ अरुण नेपाल सिन्धुपाल्चोक , क्षेत्र नं १
२५ जगन्नाथ खतिवडा उदयपुर, क्षेत्र नं २
२६ यज्ञराज सुनुवार ओखलढुङा, क्षेत्र नं १
२७ पुण्य पौड्याल कास्की , क्षेत्र नं ४
२८ सूर्य थापा प्यूठान क्षेत्र नं २
२९ हिक्मत कार्की झापा कुनै क्षेत्र
३० शम्भू श्रेष्ठ पाल्पा , क्षेत्र नं ३
३१ एलपी सावा झापा , क्षेत्र नं ४
३१ निरु पाल कञ्चनपुर , क्षेत्र नं ४
३४ मनबहादुर जीसी कास्की , क्षेत्र नं ४
३५ डुफ बास्तोला सोलुखुम्बु , क्षेत्र न १
३६ कृष्ण थापा कास्की , क्षेत्र नं २
३७ सृजना शर्मा कास्की , क्षेत्र नं ३
३८ मोहमद अफताफ आलम बारा , क्षेत्र नं….४
३९ प्रकाश ज्वाला सल्यान क्षेत्र नं २
४० शान्ति अधिकारी काठमाडौं क्षेत्र नं ९
४१ सीता गिरी कास्की , क्षेत्र नं ४
४२ विद्या सुन्दर शाक्य काठमाडौं क्षेत्र न ६
४३ सोमनाथ प्यासी कास्की , क्षेत्र नं ४
४४ विन्दा पाण्डे नुवाकोटको कुनै क्षेत्र
४५ चेतनारायण आचार्य अर्घाखाँची क्षेत्र नं.१
४६ कर्ण थापा बाजुरा क्षेत्र नं….
४७ गणेश काङमाङ पाँचथर , क्षेत्र नं १
४८ केशव देवकोटा सिन्धुली , क्षेत्र नं २
५० हरिनारायण महतो धनुषा, क्षेत्र नं २
५१ खेमनारायण लोहनी धादिङ क्षेत्र नं २
५२ गोकुल वास्कोटा काभ्रे , क्षेत्र नं ३
५३ सानु श्रेष्ठ काठमाडौं, क्षेत्र नं १०
५४ पार्वत गुरुङ दोलखा, क्षेत्र नं….
५५ राजेन्द्र राजथला भक्तपुर क्षेत्र नं २
५६ विद्यासुन्दर शाक्य काठमाडौं, क्षेत्र नं
५७ समिर नेपाल काठमाडौं क्षेत्र नं….
५८ तेजमान कन्दङ्वा थेह्रथुम , क्षेत्र नं १
५९ पद्मा अर्याल स्याङ्जा क्षेत्र नं २
६० नरुलाल चौधरी दाङ् , क्षेत्र नं २
६१ गोरखवहादुर वोगटी हुम्ला , क्षेत्र नं १
६२ भानुभक्त जोशी बझाङ , क्षेत्र नं १
६३ चन्द्रमोहन गौचन मुस्ताङ., क्षेत्र नं १
६४ श्रीमाया थकाली मुस्ताङ क्षेत्र नं १
६५ रत्नप्रसाद न्यौपाने जाजरकोट., क्षेत्र नं २
६६ राधाकृष्ण कँडेल पाल्पा क्षेत्र नं १
६७ तिलक महत नवलपरासी , क्षेत्र नं २
६८ धर्मनाथ शाह सिराह , क्षेत्र नं ५
६९ मधुसुदन पौड्याल ललितपुर , क्षेत्र नं १
७० मनोज देवकोटा सर्लाही क्षेत्र नं १
७१ विमल कइकेल काठमाडौं क्षेत्र नं ४
कृष्णगोपाल श्रेष्ठ काठमाडाौं , क्षेत्र नं ८
७३ हरिकृष्ण व्यञ्जनकार काठमाडौं , क्षेत्र नं
७४ चेतनारायण आचार्य अर्घाखाँची , क्षेत्र नं २
७५ ऋषि पोख्रेल मोरङ क्षेत्र नं १
७६ ताराबहादुर काफ्ले मोरङ , क्षेत्र नं २
७७ विनोद ढकाल– मोरङ , क्षेत्र नं ३
७८ ज्ञानेश्वर राजवंशी मोरङ , क्षेत्र नं ४
७९ रामलाल शाह मोरङ , ,क्षेत्र नं ५
८० महेश भट्टराई मोरङ , ,क्षेत्र नं ६
८१ सत्यनारायण चौधरी मोरङ , ,क्षेत्र नं ७
८२ राजेन्द्र गौतम–विद्या चाम्लिङ मोरङ , क्षेत्र नं ८
८३ घनश्याम खतिवडा मोरङ , क्षेत्र नं ९
८४ दिपक कार्की झापा , क्षेत्र नं ६
थप जान्नको लागी http://goo.gl/hoMPD

पूर्ण निद्राले भगाउँछ मधुमेह

काठमाडौ, - हरेक रात मस्त सुत्ने गर्नाले मधुमेहको जोखिम कम हुने रहेछ । एउटा अध्ययनमा यस्तै ठोकुवा गरिएको छ । त्यसअनुसार, पूर्ण निद्रा लिने व्यक्तिलाई टाइप-२ मधुमेह हुने सम्भावना घट्छ ।

लस एन्जलस बायोमेडिकल रिसर्च इन्स्टिच्युटका अनुसन्धानकर्ताहरूले गरेको अध्ययनमा उल्लेख छ— सप्ताहान्तका तीन रातको मात्रै राम्रो निद्राले पनि धेरै हदसम्म इन्सुलिनको सक्रियता बढाउँछ । इन्सुलिन नबन्दा र शरीरमा यसको प्रतिक्रिया नहुँदा नै मधुमेहले आक्रमण गर्ने गर्छ । उक्त अध्ययनका प्रमुख अनुसन्धानकर्ता डा. पिटर लिउ भन्छन्, 'हरेक व्यक्तिलाई पर्याप्त निद्रा अत्यावश्यक हुन्छ भन्ने हामी सबैलाई थाहा छ । तर हामी कामको चापले गर्दा मस्त सुत्नलाई पनि समय निकाल्न सक्दैनौं ।' निद्राको अवधि बढाइदिनाले शरीरमा इन्सुलिन उपयोगको क्षमता बढ्छ । यसले पाका व्यक्तिहरूमा टाइप-२ मधुमेह हुने जोखिम कम हुन्छ ।

इन्सुलिनले हाम्रो शरीरको रगतमा चिनीको स्तरलाई नियमित गर्न महत्त्वपूर्ण भूमिका खेल्ने गर्छ । टाइप-२ मधुमेह भएका व्यक्तिहरूको शरीरले आफैंभित्रबाट निस्किने इन्सुलिनको प्रभावकारी उपयोग गर्न सक्दैन । यो रोग लाग्दा शरीरले इन्सुलिनप्रति प्रतिक्रिया गर्दैन । डा. लिउका अनुसार, कामको बोझले राम्ररी सुत्न नसक्ने प्रौढ व्यक्तिहरूले सुत्ने समय बढाए उनीहरूलाई मधुमेह लाग्ने खतरा कम हुन सक्छ ।

राईको पार्टीमा तीन करोडको तमासा

काठमाडौं। एमाले छाडेर जातीय पार्टी खोलेका अशोक राईलाई उनकै महासचिवले घात गरेपछि भर्खरै गठन भएको जातीय पार्टी संकटमा परेको छ। महासचिव राजेन्द्र श्रेष्ठले भित्रभित्रै एनेकपा माओवादीमा प्रवेश गर्न वार्ता चलाएपछि अशोक राईको पार्टीमा खैलाबैला मच्चिएको हो। यो खैलाबैलासँगै एमालेबाट सामूहिक विद्रोह गराउने क्रममा एनेकपा माओवादीका अध्यक्ष प्रचण्डले अशोक राईको टिमलाई ३ करोड रुपैयाँ नगद दिएको खुलासा पनि भएको छ। प्रचण्डबाट पैसा लिएर एमाले फुटाउने कि जातीय मुद्दा बोकेर अलग हुने विषयमै विवाद हुँदा पूर्व एमाले सभासद एवं आदिवासी जनजाति महासंघका पूर्वअध्यक्ष पासाङ शेर्पा लगायतले अशोक राईलाई छाडेका थिए।
प्रचण्डले पैसा दिन लागेको र त्यही पैसाले एमाले फुटाउने खेल भएको थाहा पाएरै त्यस बेला अशोक राईभन्दा चर्को स्वर उरालेर हिंडेका पृथ्वीसुब्बा गुरुङहरु पनि व्याक भएको बिस्तारै खुलासा हुन थालेको छ। पासाङले जनजाति आन्दोलनका केही अगुवाहरुसँगको अनौपचारिक छलफलमा प्रचण्डबाट राजेन्द्र्र श्रेष्ठहरुले अशोक राईको अनुमतिमा पैसा लिएको आफ्नै आँखाले देखेपछि अशोकप्रतिको भरोसा टुटेको बताएका थिए। ‘हाम्रो उद्देश्य एमाले फुटाउने वा सिध्याउने थिएन, अनि माओवादीको गोटी बन्ने पनि थिएन, तर अशोक राई र राजेन्द्र श्रेष्ठहरुले प्रचण्डको पैसा लिएर एमाले फुटाउने र प्रचण्डको डमी पार्टी बनाउने खेल बुझेपछि बाध्य भएर सामाजिक लोकतान्त्रिक पार्टी बनाउनुपरेको हो’ पासाङको भनाइ उद्धृत गर्दै जनजाति आन्दोलनका एक अगुवाले बताए।
त्यसो त संघीय समाजवादी पार्टी खोल्ने बेलामा आफूले नै पहल गरेर प्रचण्डमार्फत् अशोक राईहरुलाई ३ करोड रुपैयाँ दिलाएको एमाओवादीका नेता गोपाल किराँतीले पनि स्वीकार गरेका छन्। केही समयअघि भोजपूर पुगेका बेला उनले त्यहाँका जनजाति पत्रकारहरुसँगको अनौपचारिक छलफलमा अशोकहरुले चार करोड मागे पनि ३ करोड रुपैयाँ मात्र दिलाउन सकिएको बताएका थिए। ‘हामीले सोचे जस्तो गरी अशोकजीहरुले एमालेमा विद्रोह गराउन सक्नुभएन। केन्द्रमा दुई चार जना नेता बाहेक जिल्लामा चिनिएका प्रभावशाली नेता कार्यकर्ताहरुलाई उहाँहरुले आफूसँग ल्याउन सक्नुभएन। यस हिसाबले हाम्रो लगानी खेर गएको भन्दा हुन्छ’ किराँतीको भनाई उद्धृत गर्दै भोजपुरका एक राई थरका पत्रकारले भने ‘अब अलग पार्टीका रुपमा उहाँहरुलाई थप लगानी गरेर चुनाव जिताउने भन्दा एमाओवादीमा ल्याउनेतिर जोडबल गर्नुपर्छ, सिंगो पार्टी आउँदैन भने व्यक्तिलाई ल्याउने हो’।
यसैबीच महासचिव राजेन्द्र श्रेष्ठले एमाओवादीका नेताहरुसँग भित्रभित्रै वार्ता चलाएका छन्। प्रचण्डले दिएको र विदेशतिरबाट जनजाति महासंघ तथा जनजातिहरुबाट उठाएको पैसाले मात्र पार्टी चल्ने अवस्था नदेखिएको र जिल्लातिरको अवस्था निराशाजनक रहेकाले राजेन्द्र सहितका केही नेताहरुले सुरक्षित अवतरण खोजेका छन्। राजेन्द्र श्रेष्ठ, रिजवान अन्सारी, अजम्बर राई लगायतका नेताहरु एमाओवादीतिर प्रवेश गर्न लागेको हल्ला पनि संघीय समाजवादी पार्टीमा चलेको छ। एमाओवादीभित्रै पदका लािग मारामार भएका बेला आफूहरुको अवस्था के हुने भन्ने डरले मात्र उनीहरु चुपचाप छन्।
एमालेबाट अलग गर्ने बेलामा माओवादी नेताहरुले अशोक राईलाई उपाध्यक्ष बनाउने आश्वासन दिएका थिए। तर अहिले त्यो अवस्था पनि नरहेको बताइन्छ। पार्टीले प्रत्यक्षमा एक सिट पनि नजित्ने र समानुपातिकमा पनि आशातित उपलव्धी पाउने अवस्था नदेखिएपछि त्यस पार्टीभित्र चुनाब बहिस्कार गर्नुपर्ने आवाज पनि बलियो हुन थालेको छ। तर एमाओवादीले अशोक राई सहितका केही नेताहरुलाई चुनाव जिताइदिने आश्व्ाासन भने दिइरहेको छ। साभार ः विक्ली नेपाल डट कम बाट

तुलसीको पात के-के को औषधि ?

हिन्दु धर्ममा तुलसीलाई भगवान विष्णुको प्रतिकको रुपमा लिइन्छ र यसको आफ्नै धार्मिक महत्व पनि छ । तुलसीको धार्मिक महत्व मात्र नभएर यसमा पाइने औषधीय गुणका कारण मानव स्वास्थ्यका लागि समेत यसको महत्व छ ।
तुलसीमा औषधीय गुण पाइन्छ भन्ने कुरा हामीले सुनेकै कुरा हो । यद्यपि कस्ता कस्ता रोगका विरुद्ध तुलसीको सेवन लाभदायक हुन्छ भन्ने कुराको एकिन जानकारी नहुन सक्छ । यहाँ हामीले तुलसीको पात कस्तो कस्तो स्वास्थ्य समस्याको निराकरणमा उपयोगी सावित हुनसक्छ भन्ने जानकारी प्रस्तुत गरेका छौँ ।

महिलाहरुमा महिनावारीको बेला यदि पेट तथा कम्मर दुख्ने समस्या बढि नै छ भने तुलसीको हरियो पातलाई पिँधेर रस बनाउनुहोस् अनि दिनहुँ १ चम्चा तुलसीको पातको रस पिउनुहोस् । तुलसीको पात पिँध्न झण्झट लाग्छ भने पात मज्जाले धोइपखाली गरेर चपाउँदा पनि हुन्छ ।

बर्खाको समयमा रुघाखोकी, ज्वरो तथा पेटको समस्या बढि देखिने गर्छ । यस्ता समस्याको रोकथामका लागि दिनहुँ तुलसीका पातको सेवन लाभदायक हुन्छ । साथै रुघाखोकी लागेको बेला तुलसीको पात, बेसार, नुन मिलाएर पानीमा मज्जाले पकाएर उक्त पानी पिएमा रुघाखोकी र चिसो कम हुन्छ ।

तुलसीका पातको सेवनले मुखको संक्रमणबाट बचाउनुका साथै दाँत तथा गिजालाई स्वस्थ राख्छ ।

बिहान उठ्नैबित्तिकै पानीसँगै तुलसीका पात पनि चपाएर खानुहोस् । यसले गर्दा विभिन्न खालका संक्रामक रोगबाट बचाउँछ ।

तुलसीको पातको लेप छालामा लगाउँदा दाद, लुतो तथा छालासम्बन्धि अन्य रोगबाट बचाउँछ ।

ज्वरो आएको छ भने तुलसीको पातलाई पिँधेर बनाएको रसमा अदुवाको रस र मह मिलाएर खाँदा फाइदा हुन्छ ।

आयुर्वेदमा तुलसीको नजिक बस्दा स्वासप्रस्वास मार्फत लिइने हावा सरीरका लागि निकै फाइदाजनक हुने र त्यसले सरीरका विषाक्त पदार्थ निर्मलीकरण गर्नमा सहयोग गर्ने विश्वास गरिन्छ ।

त्रिकोणात्मक क्रिकेट श्रृङ्खलाः श्रीलङ्कासंग भारत पराजित

असार १९ – त्रिकोणात्मक क्रिकेट श्रृङ्खलामा मंगलबार राति भारतलाई श्रीलंकाले १ सय ६१ रनले हराएको छ ।

विराट कोहलीको कप्तानीमा मैदान ओर्लिएको भारत बलिङ र ब्याटिङ दुवैमा सम्हालिन नसक्दा फराकिलो हार ब्योहोर्न बाध्य भयो ।

३ सय ४९ रनको लक्ष्य पच्छ्याएको भारत ४४ दशमलव ५ ओभरमा १ सय ८७ रनमा अलआउट भयो ।

भारतका लागि रविन्द्र जडेजाले नटआउट ४९, सुरेश रैनाले ३३, मुरली विजयले ३०, शिखर धवनले २४ र दिनेश कार्तिकले २२ रन जोड्नु बाहेक अरुले दोहोरो अंकको रन जोड्न सकेनन् ।

श्रीलंकाका रंगना हेराथले ३ तथा सचित्र सेनानायके र लासिथ मालिङ्गाले समान २/२ विकेट लिए । पहिले ब्याटिङ गरेको श्रीलंकाले उपुल थरङ्गाको नटआउट १ सय ७४ र माहेला जयवर्द्धनेको १ सय ७ रनको मद्दतमा मात्र १ विकेट गुमाउँदै ३ सय ४८ रन बनाएको थियो ।

टिमका लागि एन्जेलो म्याथ्यूजले नटआउट ४४ रनको योगदान गरे । हारपछि भारतको फाईनल प्रवेश कठिन भएको छ । फाईनल प्रवेशका लागि भारतले वेष्ट ईन्डिज र श्रीलंकालाई हराउनै पर्ने बाध्यता छ ।

२ बोरा सकेट बम र ३ बोरा बारुद बेबारिसे

रोल्पा, असार १८ – रोल्पाको गैरीगाउँ–६ थुर्पा लेकमा प्रहरीले बेवारिसे अवस्थामा २ बोरा सकेट बम, ३ बोरा बारुद तथा ३ बण्डल फलामको पाइप फेला पारेको छ ।

घाँस काट्न गएका स्थानीय बासिन्दाले देखेपछि प्रहरीलाई खबर गरेका थिए । खबर पाएपछि गैरीगाउ“मा माओवादी पूर्व लडाकुको अस्थायी शिबिरको सुरक्षार्थ खटिएको सशस्त्र प्रहरीको टोलीले बेबारिसे अवस्थामा विष्फोटक पदार्थ बरामद गरेको थियो ।

बिस्फोटक पदार्थ ओढारमा झण्डै ५ मिटरभित्र लुकाएर राखिएको प्रहरीले जनाएको छ । हतियार सबै खिया लागेर काम नलाग्ने अवस्थामा रहेको प्रहरीले बताएको छ ।

बिस्फोटक पदार्थ द्वन्द्वकालको समयमा तत्कालीन विद्रोही माओवादीले लुकाएको हुनसक्ने प्रहरीले अनुमान गरेको छ ।

बिस्फोटक पदार्थ डिस्पोजका लागि नेपाली सेनासँग सम्पर्क भइरहेको जिल्ला प्रहरी कार्यालय रोल्पाका प्रहरी नायब उपरीक्षक ओमबहादुर रानाले जानकारी दिनुभयो ।

माओवादीले चुनाब बहिस्कारको अडान छोडेन

Total Hits: 825

काठमाडौ, असार १८ – नेकपा—माओवादीले सक्रिय र सशक्त रुपमा चुनाव बहिस्कार गर्ने निर्णय गरेको छ ।

पोखरामा सम्पन्न केन्द्रीय समिति बैठकले चुनाव बहिष्कारका लागि हरेक निर्वाचन क्षेत्रमा केन्द्रीय सल्लाहकार तथा केन्द्रीय सदस्यको नेतृत्वमा टोली खटाउने निर्णय भएको स्रोतले जनाएको छ ।

कसलाई कुन क्षेत्रको जिम्मेवारी दिने भन्ने विषयमा भने पछि मात्रै निर्णय हुने नेकपा–माओवादीले जनाएको छ । बैठकले एक निर्वाचन केन्द्र एक सेक्सन सेनाको प्रस्ताव पारित गर्दै त्यसलाई प्रशिक्षत गर्ने निर्णय पनि गरेको छ ।

माओवादीले चुनाव बहिष्कारका लागि एक केन्द्रका लागि एक सेक्सन सेना, प्रचार टोली, मोर्चा तथा संगठनलाई केन्द्रीत गर्ने निर्णय समेत गरेको छ । यसका लागि अभियान सुरु गर्ने माओवादीले जनाएको छ ।

माओवादीले पार्टीलाई फौजिकृत गर्दै लैजाने प्रस्ताव पनि पारित गरेको छ । तर बैठकले वार्ताको ढोका भने खुल्ला राखेको जनाएको छ । चुनावको मिति सारेर सार्थक वार्ताको प्रयास भए आफूहरु वार्तामा बस्न तयार रहेको माओवादीले जनाएको छ ।