माओवादीका दुई राज्य समिति सदस्यद्धारा पार्टी परित्याग

    सल्यान साउन ८ । नेकपा–माओवादीका दुई जना राज्य समिति सदस्यहरुले पार्टी परित्याग गरेको जनाएका छन् । एक विज्ञप्ती जारी गर्दै नेकपा–माओवादी मगरात राज्य समिति सदस्य रहेका हिमाल यात्री र जनक घर्तिले पार्टी परित्याग गरेको घोषणा गरेका हुन । पार्टी नेतृत्वले आफुहरुले उठाएका मागहरु सुनुवाई नगरेको बरु उल्टै गलत ढंगले उठाएको भन्दै आफुहरुले पार्टी परित्याग गरेको पार्टी परित्याग गरेका हिमाल यात्रीले बताउनुभयो । यात्रीले पार्टी परित्याग गरेपनि जनक्रान्तिलाई सहयोग भने गरिरहने बताउनुभयो । उहाँ दुवैजनाको नेतृत्वसँग लामो समयदेखि असन्तुष्टि रहदै आएको थियो । नेकपा–माओवादी सल्यानका ईञ्चार्ज असल क्षेत्रिले भने उनिहरुले पार्टी परित्याग गरेको नभई कारवाहि गरिएको दावी गर्नुभयो ।

आजदेखि निर्वाचन आचारसंहिता लागू, के-के गर्न पाइदैन ?

७ साउन, काठमाण्डौं । अब हुने संविधानसभा निर्वाचनका लागि आजदेखि निर्वाचन आचारसंहिता लागू भएको छ । निर्वाचन हुने १ सय २० दिन अघिबाट आचारसंहिता लागू गर्ने निर्वाचन ऐनअनुसार आजबाट आचारसंहिता लागू गरिएको निर्वाचन आयोगले जनाएको छ ।

आयोगले जारी गरेको १ सय ४ बुँदे आचारसंहितामा राजनीतिक दल, उम्मेदवारले गर्न पाउने खर्च, प्रयोग गर्ने भाषा, प्रचार प्रसार सामग्री सबै समेटिएका छन् । आचारसंहितामा निर्वाचन प्रचार-प्रसार गर्दा राजनीतिक दल, उम्मेदवार, राजनीतिक दल तथा उम्मेदवारसँग सम्बन्धित व्यक्तिले नेपालको स्वतन्त्रता, सार्वभौमसत्ता, मानवअधिकार र स्वतन्त्र न्यायपालिकाको अवधारण जस्ता विषयमा प्रतिकूल हुने गरी निर्वाचन प्रचार-प्रसार गर्न वा गराउनु प्रतिवन्ध लगाइएको छ ।

प्रत्यक्ष तर्फका उम्मेदवारले १० र समानुपातिका उम्मेदवारले ७५ हजार खर्च गर्न पाउने छन् । धार्मिक पुरातात्विक वा ऐतिहासिक भवन, स्मारक स्थल वा सरकारी वा सार्वजनिक भवन र शैक्षिक संस्थाको भित्ता वा पर्खाल तथा निजी घर कम्पाउण्ड, पसल, पर्खाल वा यस्तै अन्य स्थानमा स्वीकृति नलिई पर्चा टाँस्न नपाइने भनिएको छ ।

आचारसंहिता लागू भएपछि नेपाल सरकार, सरकारी स्वामित्व वा नियन्त्रणमा रहेका संस्था, निकाय वा स्थानीय निकाय र कुनै परियोजनाको साधन, स्रोत र सम्पत्ति प्रयोग गर्न नहुने तथा मतदातालाई प्रभाव पार्ने उद्देश्यले नगद, जिन्सी र अन्य कुनै पनि सामग्री वितरण गर्न वा भोज भतेरको आयोजना गर्न पाइने छैन ।

आचारसंहिताले सोलुखुम्बु, मनाङ, मुस्ताङ, डोल्पा, हुम्ला, जुम्ला, मुगु, कालिकोट, बझाङ, बाजुरा र जाजरकोट जिल्लाबाहेक अन्य जिल्लामा हवाइजहाज तथा हेलिकप्टरजस्ता सवारी साधन चार्टर गरी निर्वाचन प्रचार-प्रसार गर्न प्रतिबन्ध लगाएको छ । उम्मेदवारले निर्वाचन प्रचार-प्रसारका लागि एक निर्वाचन क्षेत्रमा बढीमा दुईवटा हलुका सवारी साधन प्रयोग गर्नसक्ने र त्यस्ता सवारी साधन नचल्ने ठाउँमा चारवटा घोडासम्म प्रयोग गर्न सकिने जनाएको छ ।

सञ्चार माध्यमलाई पनि आचारसंहिता

निर्वाचनको अवधिमा आमसञ्चार माध्यमलाई पनि आचार संहिता लागु हुनेछ । सूचना वा समाचारको सङकलन तथा सम्प्रेशण रोक्न, दबाउन वा लुकाउन नहुने, कुनै पनि राजनीतिक दल वा उम्मेदवारको पक्षमा समाचार सम्पादकीय लेख्न नपाइने भनिएको छ । आचारसंहिताको पालना भए नभएको जाँचबुझ वा अनुगमन गर्न आयोगले आवश्यकता अनुसार अनुगमन टोली वा अन्य संयन्त्र गठन गरिनेछ । कसैबाट आचारसंहिता पालना नभएको वा उल्लङघन गरेको देखिएमा त्यस्तो काम तुरुन्त रोक्न वा बदर गर्न निर्वाचन आयोगले सम्बन्धित राजनीतिक दल र उम्मेदवारलाई आदेश दिन सक्ने व्यवस्था गरिएको छ ।  श्रोतः अनलाइन खवर

एमाले सल्यानले एक महिने अभियान संचालन गर्ने

सल्यान साउन ७, संविधानसभा चुनावलाई लक्षित गर्दै नेकपा एमाले सल्यानले एक महिने अभियान संचालन गर्ने भएको छ । जेठ देखि असारको मध्य सम्ममा डेढ महिने अभियान सम्पन्न गरेको एमालेले फेरी एक महिने अभियान शुरु गर्न लागेको हो ।
    यस अघिको अभियान केन्दियबाट खटाएका नेताहरुको सहभागितामा जिल्लाका ४७ वटै गाविसमा भएको थियो भने अवको अभियान इलाका स्तरमा टोली बनाएर घरघरमा पुग्ने उद्देश्यले तय गरिएको नेकपा एमाले सल्यानका अध्यक्ष हरि केसीले बताउनुभयो ।
    एमालेले गरेको पत्रकार सम्मलेनमा अध्यक्ष केसीले डेढ महिने अभियानको क्रममा जिल्लाभरीमा एकिकृत नेकपा माआवादी, नेपाली काँग्रेस, नेकपा–माओवादी, राप्रपा लगायत विभिन्न पार्टी परित्याग गरी ८ सय ५० जना एमालेमा प्रवेश गरेको बताउनुभयो । एमालेको सचिवालय वैठक मार्फत एक महिले अभियान शुरु गर्ने निर्णण् गरेको एमाले सल्यानले साउन १५ गतेदेखि अभियानको शुरु गर्ने जनाएको छ ।
    अभियानका लागी इलाका नम्वर १ मा भिउसेन नेपालि र तुल प्रसाद खराल, २ मा भिम बहादुर सेन र गिर्दल बोहरा, ३ मा सिपि वली र कुल बहादुर गिरी, ४ मा हरी केसी र ओज बहादुर बुढाथोकी, ५ मा राम खड्गी, ६ मा टोप बहादुर थापा र प्रेम वली, ७ मा दामोदर शर्मा, जित बहादुर चलाउने र धना बुढाथोकी, ८ मा गोविन्द पुन र अकवर पुन, ९ मा ईश्वरी बुढाथोकी र लाल बहादुर रावत, १० मा कवि चन्द र दल बहादुर केसी तथा इलाका नम्वर ११ मा जनक विक, भोला केसी र ज्ञानेश्वर केसीलाई खटाउने निर्णय गरेको छ । यस्तै सचिवालयको वैठकले साउनभरीमा जनवर्गिय संगठनहरुलाई व्यवस्थीत गर्ने तथा भदौको २९ गते क्षेत्र नंवर १ को क्षेत्रिय अधिवेशन थारमारे र असोज ५ गते क्षेत्र नम्वर २ को क्षेत्रिय अधिवेशन श्रीनगरमा गर्ने निर्णय गरेको छ ।
     वैठकले काप्रेचौर गाँउ कमिटी ईञ्चार्जमा तुल प्रसाद खराल, कारागिठी ईञ्चार्जमा गिर्दल बोहरा र दमाचौर ईञ्चार्जमा जनक विकलाई चयन गरेको छ । पत्रकार सम्मेलनमा वोल्दै एमालेका पोलिटव्युरो सदस्य प्रकाश ज्वालाले अघिल्लो चुनावको तुलनामा यस पटक एमाले प्रतिको आकर्षण निकै बढेको आफुले पाएको बताउनुभएको थियो । कार्यक्रमको संचालन एमालेका सचिव सिपि वलीले गर्नुभएको थियो ।

पूर्व प्रधानमन्त्री मरिचमान सिंहलाई ५ लाख सहयोग

काठमाडौं, साउन ६ – सरकारले पूर्व प्रधानमन्त्री मरिचमान सिंहसहितका ५ जनालाई उपचारका लागि जनही ५ लाख सहयोग गर्ने निर्णय गरेको छ ।

आइतवार बसेको मन्त्री परिषद बैठकले उहाँहरुलाई उपचारका लागि पाँच पाँच लाख सहयोग गर्ने निर्णय गरेको हो ।

सहयोग पाउनेमा सिंहसहित नेपाली काग्रेसका नेता चक्रप्रसाद बास्तोला र गोपाल पहाडी, जनकवि केशरी धर्मराज थापा र अरविन्द ठाकुर हुनुहुन्छ । उहाँहरु सवै अस्वस्थ्य हुनुहुन्छ र अहिले उपचार गराइरहनु भएको छ ।

पूर्व प्रधानमन्त्री मरिचमान सिंहको उपचारमा आर्थिक अभाव भएको भन्दै उहाँको छोराले सहयोगका लागि अपिल नै निकाल्नु भएको थियो ।

पूर्व प्रधानमन्त्री मरिचमान सिंह श्रेष्ठको स्वास्थ्यमा सुधार

असार ३० - पूर्व प्रधानमन्त्री मरिचमान सिंह श्रेष्ठको स्वास्थ्यमा सुधार आएको छ ।

दिल्लीको मेदान्त अस्पतालमा उपचार गराईरहेका श्रेष्ठलाई आईसीयूबाट जनरल वार्डमा सारिएको परिवारले जनाएको छ । पूर्व प्रधानमन्त्री श्रेष्ठको परिवारले उपचारमा आर्थिक अभाव भएको भन्दै सहयोगका लागि अपील गरेको छ ।

छोरा अनिल श्रेष्ठले सहयोग गर्नेले बैंक अफ काठमाडौंको खाता नम्बर ०५ ४४ ०० ०० ०१ ५१ ५२४ मा जम्मा गरिदिन अनुरोध गर्नुभएको छ । श्रेष्ठको उपचारमा आर्थिक अभाव भएको भन्दै अनिलले सहयोगका लागि यसअघि नै सार्वजनिक अपिल निकाल्नु भएको थियो ।

एमालेले भन्यो- प्रत्यक्षबाटै सय सिट जितिन्छ

२१ असार, काठमाण्डौं । नेकपा एमालेले आगामी संविधानसभा निर्वाचनमा प्रत्यक्षतर्फ पार्टीले बहुमतकै हाराहारीमा सिट जित्ने प्रारम्भिक चुनावी आँकलन गरेको छ । संविधानसभा निर्वाचनका लागि एकमहिने पार्टी परिचालन अभियान सकिएलगत्तै केन्द्रीय प्रतिनिधिहरूले बुझाएको प्रतिवेदन र रिपोर्टिङलाई आधार मानेर प्रवृत्तिगत विश्लेषण गर्दै एमालेले यस्तो निष्कर्ष निकालेको हो । प्रतिवेदन विश्लेषणपछि त्यसैको निष्कर्षका आधारमा एमालेले केन्द्रीय कमिटीबाट छुट्टै चुनावी योजना र रणनीति पारित गर्ने गरी तयारी अघि बढाएको छ ।

uml flag२ सय ४० निर्वाचन क्षेत्रमध्ये प्रत्यक्षतर्फ कडा प्रतिस्पर्धाविनै सय सिट संख्यामा सहज रूपमै विजय हासिल गर्न सकिने र पूरै तयारीसहित होमिँदा स्पष्ट बहुमत ल्याउन सकिने एमालेले प्रारम्भिक आँकलन गरेको हो । सबै निर्वाचन क्षेत्रका वडा तहसम्मका कार्यकर्ता र स्वतन्त्र व्यक्तिहरूसँग अन्तक्रिया गरी केन्द्रीय प्रतिनिधिहरूले चुनावी आँकलनसम्बन्धी प्रतिवेदन बुझाएका छन् । ‘सबै क्षेत्रबाट प्रतिवेदन त आइसकेका छैनन्, तर साथीहरूको रिपोर्टिङअनुसार अहिलेसम्म १ सय हाराहारी सिटमा सहज रूपमै विजय हासिल गर्न सकिने स्थिति देखिएको छ,’ स्थायी कमिटीका एक सदस्यले भने, ‘धेरै स्थानमा कांग्रेससँगै मुख्य प्रतिस्पर्धा देखिएकाले सोहीअनुसारको चुनावी रणनीति बनाउनुपर्ने देखिन्छ ।’

केन्द्रीय सचिवालयमा अहिलेसम्म अभियानमा खटिएका २५ क्षेत्रका संयोजकले लिखित प्रतिवेदन बुझाएका छन् । बाँकी कतिपय केन्द्रीय प्रतिनिधिहरूले अञ्चल समन्वय कमिटीसँग बसेरै संस्थागत रूपमा प्रतिवेदन बुझाउने तयारी गरी शीर्ष नेता र केन्द्रीय सचिवालयलाई रिपोर्टिङ गरेका छन् । तीमध्ये गोर्खा–२ मा खटिएका दधिराज सुवेदी, गार्खा–३ का चूडामणि जंगली, लमजुङ–२ का वाचस्पति देवकोटा, तेह्रथुमका शेरधन राई, सुर्खेत–१ का यामलाल कँडेल र धादिङ–१ का देवशंकर पौडेलले प्रतिवेदन बुझाएका छन् ।

त्यस्तै, ताप्लेजुङ–१ का देवराज घिमिरे, प्युठान–२ का गोकुल घर्ती, म्याग्दीका गणेश विश्वकर्मा, जाजरकोट–१ का रत्नकुमार शर्मा न्यौपाने, जाजरकोट–२ का निरज आचार्य, ललितपुर–२ का प्रेम महर्जन र ताप्लेजुङ–२ का वसन्तकुमार नेम्बाङले पनि लिखित प्रतिवेलन बुझाएका छन् । त्यस्तै, लमजुङ–१ मा खटिएका जितबहादुर गुरुङ, बर्दिया–१ का शारदाप्रसाद सुवेदी, दैलेख–२ का तर्कबहादुर शाही, पर्वत–१ की थममाया थापा, पर्वत–२ का ऋषिराज शर्मा, बागलुङ–२ का नवराज शर्मा, बागलुङ–३ का भूपेन्द्रबहादुर थापा, धनकुटा–२ का तुलसीप्रसाद न्यौपाने र अछाम–२ का कृष्णप्रसाद जैसीले प्रतिवेदन बुझाएको राजधानी दैनिकमा खबर छ ।

‘एमाओवादी तीव्र गतिमा ओरालो लागेको पाइएकाले हिजोको तुलनामा पार्टीको स्थिति धेरै सुदृढ देखिएको छ, जनमत पार्टीमा आकर्षित भएकाले मेहनत गर्दा पहिलो पार्टी हुन गाह्रो देखिँदैन,’ पोलिटब्युरो सदस्य तथा प्रचार विभाग प्रमुख प्रदीप ज्ञवालीले राजधानीसँग भने, ‘कतिपय स्थानमा एमाओवादी र कांग्रेससँग त्रिकोणात्मक प्रतिस्पर्धा देखिए पनि धेरै ठाउँमा कांग्रेससँगै मुख्य प्रतिस्पर्धा हुने आँकलन गरेका छौं ।’

उनले संख्या भन्दा पनि प्रवृत्तिगत विश्लेषण गरिएकाले पुरै तयारीसहित चुनावमा होमिँदा २७ देखि ३० प्रतिशतसम्म लोकप्रिय मतसहित बहुमत आउने स्पष्ट आधार देखिएको दाबी गरे ।

रेखाले बच्चा पाउने भनेपछि एमाओवादीमा खैलाबैला,

नायिका रेखा थापा एक महिनाअघि एकीकृत नेकपा माओवादी पार्टी प्रवेश गर्दा निकै ठूलो हल्लाखल्ला थियो । तर, यतिबेला रेखाबारे कमै चर्चा हुन थालेको छ । यद्यपि नायिका थापाले एउटा निजी टेलिभिजनलाई दिएको २८ मीनेट लामो अन्तरवार्ताको विषयलाई लिएर भने यतिबेला एमाओवादीमा खैलाबैला मच्चिएको छ ।चलचित्र क्षेत्रको स्वच्छन्द दुनियाँमा हुर्केकी रेखाले एमाओवादीमा लागेपछि व्यक्त गरेको विवाह र सन्तानोत्पादन सम्बन्धी स्वच्छन्द विचारप्रति एमाओवादी कार्यकर्ताहरु आक्रोशित भएका हुन् । कसैसँग विवाह नगर्ने, जीवनसाथीमात्रै राख्ने र अर्की रेखा जन्माउने नायिका थापाको विचारप्रति माओवादीभित्र तीव्र बहस शुरु भएको हो । तीन हप्ताअघि हिमालयन टेलीभिजनलाई दिएको अन्तरवार्तामा नायिका थापाले भनेकी थिइन्- ‘पुरुषविना पनि बाँच्न सकिन्छ । कोमल दिदी बिहे नगरी बस्नुभा’छ । मिथिला शर्मा बिहा नगरी बस्नुभा’छ । विवाहले बाँधिन्छ मान्छे ।’

नायिका थापाको भनाइ थियो- ‘म बिबाह गर्दिँन एउटा पुरुष र महिला लाइफटाइम साथी भएर अगाडि बढ्ने । सृष्टि त भइ नै हाल्ला, विवाह बन्धनको खिलाफ त होइन, तर त्यसमा म हल्का परिवर्तन होस् भन्ने चाहन्छु । विवाह नगरौंला तर जीवन साथी त अवश्यै चाहिन्छ । दर्शकहरुले अर्को रेखा हेर्न चाहलान् । कहिले हुन्छ, कहाँ हुन्छ, कोसँग हुन्छ, त्यो मलाई थाहा भएन ।’

विवाह नगर्ने तर लाइफ पार्टनर बनाएर सन्तान जन्माउने रेखाको विचारलाई एमाओवादी नेता, कार्यकर्ताले गैरमाक्र्सवादी अराजकतावादी सोचाइको संज्ञा दिएका छन् ।

विवाहसम्बन्धी रेखाले व्यक्त विचारलाई परम्परागत कम्युनिष्टहरुले पुँजीवादी यौन अराजकता मान्ने गर्छन् । माओवादी कार्यकर्तालाई रेखाले भनेजस्तै ‘लिभिङ टुगेदर’को छुट हुँदैन । तर, एमाओवादी नेता स्वनाम साथी भने रेखा थापाजस्तै लिभिङ टुगेदरका पक्षपाती हुन् ।

अहिलेसम्म जिम्मेवारीविहीन

पार्टी प्रवेशपछि केन्द्रीय सदस्य बन्ने आशा भए पनि पार्टी प्रवेश गरेको एक महिना बितिसक्दा पनि रेखालाई पार्टीले कुनै पद वा जिम्मेवारी दिने छनक देखाएको छैन । रेखाले यतिबेला आफू पदका लागिभन्दा पनि काम र समाज सेवाका लागि पार्टीमा लागेको तर्क गर्दै आएकी छिन् ।

नायिका थापालाई पार्टी प्रवेश गर्नुअघि विभिन्न नेताहरुले विभिन्न खालका सल्लाह दिएको माओवादी स्रोत बताउँछ । एमाओवादीका संगठन विभाग प्रमुख कृष्णबहादुर महराले रेखालाई पार्टी प्रवेश नगरी बाहिरै बसेर सहयोग गर्न सल्लाह दिएको बुझिएको छ । महराको भनाइलाई उर्द्धत गर्दै श्रोतले भन्यो- ‘पार्टीमा योगदान गरेर आएका थु्रपै अन्य कार्यकर्ता पनि छन्, यसैले तपाई एकजना कलाकार भएको नाताले बाहिरबाटै सहयोग गर्दा राम्रो हुन्छ ।’

महराले रेखालाई पार्टीमा आएर तत्काल केन्द्रीय सदस्य पद पाउने आशा नगर्न सुझाव दिएको श्रोतको भनाइ छ । संविधानसभाको निर्वाचनमा समानुपातिकतर्फबाट तपाईलाई संविधानसभामा ल्याउनका लागि कार्यकर्ता नै बन्नुपर्दैन, विभिन्न क्षेत्रका व्यक्तिहरुलाई समानुपातिकमा ल्याउन सकिन्छ, यसैले पार्टीमा प्रवेश गरेर चुनाव नै लड्ने सोचाइ नबोक्नु होला भन्दै महराले रेखालाई सुझाव दिएको स्रोतको दाबी छ । पार्टीमा युवराज लामा, मौसमी मल्लजस्ता लामो समयदेखि सक्रिय कार्यकता हुँदाहुँदै रेखालाई केन्द्रीय सदस्य पद दिन गाह्रो हुने भनाइसमेत महराको रहेको स्रोतले बतायो ।

चैते’ भन्दा पार्टीभित्र दुईवटा गुट जन्मिन्छन् : नारायणकाजी '

जनयुद्ध लडेकाले मात्रै साम्यवाद ल्याउने भए अरुलाई सिध्याए हुन्छ'
० असार, काठमाडौं । एकीकृत नेकपा माओवादीका उपाध्यक्ष नारायणकाजी श्रेष्ठ (प्रकाश)ले जनयुद्धपछि एकताको प्रक्रियाबाट एमाओवादी बन्नेहरुलाई ‘चैते’ एवं ‘भाग खान आएका’ भन्ने हो भने पार्टीभित्र स्वाभाविकरुपमा दुईवटा गुट जन्मिने बताउनुभएको छ । ’एकताको प्रक्रियाबाट आउनुभएका साथीहरुलाई अहिले ठूलो पीडाको अनुभूति भएकै छ ।
ललितपुरको हरिसिद्धीस्थित आफ्नै निवासमा विहीबार अनलाइनखरसँग विशेष कुराकानी गर्दै उपाध्यक्ष श्रेष्ठले भन्नुभयो- ‘जनयुद्ध गरेका साथीहरुले ल यी चैतेहरु भाग खान आए, यी त हाम्रा दास हुनुपर्ने वा दोस्रो दर्जाको नागरिक हुनुपर्ने वा दोस्रो दर्जाको पार्टी सदस्य हुनुपर्ने भनेर सोच्ने हो भने स्वाभाविकरुपमा जनयुद्ध गरेर आएका र जनयुद्ध नगरी आएका दुईवटा गुट बन्दै जान्छन् ।’

उपाध्यक्ष श्रेष्ठले भन्नुभयो-’यस्तो गर्नु हाम्रो पार्टीका लागि घातक हुन्छ, कुनै पनि हातमा यस्तो गरिनुहुँदैन । म यसबारेमा नेतृत्व र सबै क्रान्तिकारी साथीहरुलाई विशेष अनुरोध गर्न चाहन्छु हामीले धेरै काम गर्न बाँकी छ । त्यसैले यस्तो संकीर्ण गुट बन्न दिनुहुँदैन ।’ प्रचण्ड नेतृत्वको माओवादीसँग पार्टी एकता गर्नेबेलामै आफूहरुमाथि यस्तो उत्पीडन हुन सक्ने आँकलन गरिएको र केही कालसम्म यस्तो पीडा सहने धैयर्ताका साथ पार्टी एकता गरिएको श्रेष्ठले बताउनुभयो । अर्का उपाध्यक्ष डा. बाबुराम भट्टराईले पदत्याग गरेपछि पदाधिकारीको बैठकमा आमन्त्रितका रुपमा सहभागी भैरहन अप्ठ्यारो हुने उहाँले बताउनुभयो । साथै आफू यतिबेला ५७ वर्ष पुगेको र ६५ वर्षसम्म सक्रिय राजनीतिबाट अलग नहुने उहाँले बताउनुभयो ।

आगामी साउन ४ गते हुने विस्तारित बैठकले पार्टीभित्रका सबै समस्याहरु हल गर्न नसक्ने र त्यहाँ संगठनको विषयमात्रै मुख्य हुने भएकाले आफूले उठाउँदै आएको राष्ट्रिय स्वाधीनताबारे छलफल गर्न चुनावपछि अर्को विस्तारित बैठक बोलाइनुपर्ने उहाँले बताउनुभयो । उपाध्यक्ष प्रकाशले माओवादीका महासचिव रामबहादुर थापा वादल आफ्नो निवासमा कहिलेकाहिँ खाना खानेगरी आउने गरेको तर, माओवादीसँग पार्टी एकताबारे छलफल नचलेको स्पष्ट पार्नुभयो । अनलाइन खवर डट कमबाट साभार

एमाले युवा को कहाँबाट चुनाव लड्दै छन् ?

काठमाडौं : निर्वाचनको मिति घोषणासँगै दलहरुभित्र उम्मेदवारको चर्चा हुन थालेको छ । प्रमुख दलहरुभित्र अत्याधिक उम्मेदवार युवा पुस्तालाई बनाउनु पर्ने सामुहिक र संगठित दवाव पनि बढेको छ । कुल मतदातामध्ये अत्यधिक युवा पुस्ता रहेकाले पनि युवाहरुको उम्मेदवारी भए निर्वाचनमा विजय हासिल गर्न सहज हुने विश्लेषण पार्टीभित्र हुने गरेको छ । धर्ती आवाज अनलाइनले प्रमुख दलहरुभित्र युवाहरुको उम्मेदवारी वारे भइरहेका चर्चा र युवा नेताहरुको उम्मेदवारी चाहनाका विषयमा निरन्तर सूचना प्रवाह गर्दै जानेछ । अहिले मुलुकको प्रमुख दल मध्येको एक एमालेभित्र युवा नेताहरुले चुनावमा कसरी उम्मेदवार बन्ने प्रयास गर्दैछन् र उनीहरुको उम्मेदवारे भएका चर्चाको अध्ययन विश्लेषण गरेका छौं । एमालेका युवा नेताहरुलाई भेटेर तथा टेलिफोनमा सम्पर्क गरीे उम्मेदवार बन्ने चाहना र उम्मेदवारी चर्चा तथा उनीहरुकै रोजाईको निर्वाचन क्षेत्र तल प्रस्तुत गरिएको छ । युवा नेताले चुनाव लड्न चाहना गरेको जिल्ला र निर्वाचन क्षेत्र उनींहरुसँग भएको कुराकानी र पार्टी पङतीमा चलेको चर्चाका आधारमा तयार पारिएको हो ।

क्र.सं युवा नेताको नाम जिल्ला क्षेत्र नं
१ योगेश भट्टराई काठमाडौं , क्षेत्र नं ६
२ भानुभक्त ढकाल काठमाडौं , क्षेत्र नं ९
३ ठाकुर गैरे पाल्पा , क्षेत्र नं २
४ नरेश खरेल झापा, क्षेत्र नं.४
५ महेश बस्नेत भक्तपुर, क्षेत्र नं २
६ खिमलाल भट्टराई रुपन्देही , क्षेत्र नं १,३ वा ५
७ शेरधन राई भोजपुर , क्षेत्र नं २
८ बिशाल भट्टराई खोटाङ, क्षेत्र नं २
९ रविन कोइराला झापा , क्षेत्र न १
१० दीपक कार्की झापा , क्षेत्र नं ६
११ जगन्नाथ थपलिया चितवन , ्क्षेत्र नं २
१२ देवी ज्ञवाली चितवन, क्षेत्र न ४
१३ रामकुमारी झाक्री काठमाडौको कुनै क्षेत्र
१४ गरिमा शाह कैलाली , क्षेत्र नं १
१५ गोकुल घर्ती रोल्पा, क्षेत्र नं २
१६ कर्ण थापा वाजुरा , क्षेत्र नं १
१७ डा. विजय पौडेल काठमाडौंको कुनै
१८ रविन्द्र अधिकारी कास्की , क्षेत्र नं ३
१९ घनश्याम भूसाल रुपन्देही, क्षेत्र नं ३
२० ठाकुर गैरे पाल्पा, क्षेत्र नं २
२१ खगराज अधिकारी कास्क, क्षेत्र नं २
२२ शेरवहादुर तामाङ सिन्धुपाल्चोक, क्षेत्र नं २
२३ राजेन्द्र राई भोजपुर , क्षेत्र नं १
२४ अरुण नेपाल सिन्धुपाल्चोक , क्षेत्र नं १
२५ जगन्नाथ खतिवडा उदयपुर, क्षेत्र नं २
२६ यज्ञराज सुनुवार ओखलढुङा, क्षेत्र नं १
२७ पुण्य पौड्याल कास्की , क्षेत्र नं ४
२८ सूर्य थापा प्यूठान क्षेत्र नं २
२९ हिक्मत कार्की झापा कुनै क्षेत्र
३० शम्भू श्रेष्ठ पाल्पा , क्षेत्र नं ३
३१ एलपी सावा झापा , क्षेत्र नं ४
३१ निरु पाल कञ्चनपुर , क्षेत्र नं ४
३४ मनबहादुर जीसी कास्की , क्षेत्र नं ४
३५ डुफ बास्तोला सोलुखुम्बु , क्षेत्र न १
३६ कृष्ण थापा कास्की , क्षेत्र नं २
३७ सृजना शर्मा कास्की , क्षेत्र नं ३
३८ मोहमद अफताफ आलम बारा , क्षेत्र नं….४
३९ प्रकाश ज्वाला सल्यान क्षेत्र नं २
४० शान्ति अधिकारी काठमाडौं क्षेत्र नं ९
४१ सीता गिरी कास्की , क्षेत्र नं ४
४२ विद्या सुन्दर शाक्य काठमाडौं क्षेत्र न ६
४३ सोमनाथ प्यासी कास्की , क्षेत्र नं ४
४४ विन्दा पाण्डे नुवाकोटको कुनै क्षेत्र
४५ चेतनारायण आचार्य अर्घाखाँची क्षेत्र नं.१
४६ कर्ण थापा बाजुरा क्षेत्र नं….
४७ गणेश काङमाङ पाँचथर , क्षेत्र नं १
४८ केशव देवकोटा सिन्धुली , क्षेत्र नं २
५० हरिनारायण महतो धनुषा, क्षेत्र नं २
५१ खेमनारायण लोहनी धादिङ क्षेत्र नं २
५२ गोकुल वास्कोटा काभ्रे , क्षेत्र नं ३
५३ सानु श्रेष्ठ काठमाडौं, क्षेत्र नं १०
५४ पार्वत गुरुङ दोलखा, क्षेत्र नं….
५५ राजेन्द्र राजथला भक्तपुर क्षेत्र नं २
५६ विद्यासुन्दर शाक्य काठमाडौं, क्षेत्र नं
५७ समिर नेपाल काठमाडौं क्षेत्र नं….
५८ तेजमान कन्दङ्वा थेह्रथुम , क्षेत्र नं १
५९ पद्मा अर्याल स्याङ्जा क्षेत्र नं २
६० नरुलाल चौधरी दाङ् , क्षेत्र नं २
६१ गोरखवहादुर वोगटी हुम्ला , क्षेत्र नं १
६२ भानुभक्त जोशी बझाङ , क्षेत्र नं १
६३ चन्द्रमोहन गौचन मुस्ताङ., क्षेत्र नं १
६४ श्रीमाया थकाली मुस्ताङ क्षेत्र नं १
६५ रत्नप्रसाद न्यौपाने जाजरकोट., क्षेत्र नं २
६६ राधाकृष्ण कँडेल पाल्पा क्षेत्र नं १
६७ तिलक महत नवलपरासी , क्षेत्र नं २
६८ धर्मनाथ शाह सिराह , क्षेत्र नं ५
६९ मधुसुदन पौड्याल ललितपुर , क्षेत्र नं १
७० मनोज देवकोटा सर्लाही क्षेत्र नं १
७१ विमल कइकेल काठमाडौं क्षेत्र नं ४
कृष्णगोपाल श्रेष्ठ काठमाडाौं , क्षेत्र नं ८
७३ हरिकृष्ण व्यञ्जनकार काठमाडौं , क्षेत्र नं
७४ चेतनारायण आचार्य अर्घाखाँची , क्षेत्र नं २
७५ ऋषि पोख्रेल मोरङ क्षेत्र नं १
७६ ताराबहादुर काफ्ले मोरङ , क्षेत्र नं २
७७ विनोद ढकाल– मोरङ , क्षेत्र नं ३
७८ ज्ञानेश्वर राजवंशी मोरङ , क्षेत्र नं ४
७९ रामलाल शाह मोरङ , ,क्षेत्र नं ५
८० महेश भट्टराई मोरङ , ,क्षेत्र नं ६
८१ सत्यनारायण चौधरी मोरङ , ,क्षेत्र नं ७
८२ राजेन्द्र गौतम–विद्या चाम्लिङ मोरङ , क्षेत्र नं ८
८३ घनश्याम खतिवडा मोरङ , क्षेत्र नं ९
८४ दिपक कार्की झापा , क्षेत्र नं ६
थप जान्नको लागी http://goo.gl/hoMPD

राईको पार्टीमा तीन करोडको तमासा

काठमाडौं। एमाले छाडेर जातीय पार्टी खोलेका अशोक राईलाई उनकै महासचिवले घात गरेपछि भर्खरै गठन भएको जातीय पार्टी संकटमा परेको छ। महासचिव राजेन्द्र श्रेष्ठले भित्रभित्रै एनेकपा माओवादीमा प्रवेश गर्न वार्ता चलाएपछि अशोक राईको पार्टीमा खैलाबैला मच्चिएको हो। यो खैलाबैलासँगै एमालेबाट सामूहिक विद्रोह गराउने क्रममा एनेकपा माओवादीका अध्यक्ष प्रचण्डले अशोक राईको टिमलाई ३ करोड रुपैयाँ नगद दिएको खुलासा पनि भएको छ। प्रचण्डबाट पैसा लिएर एमाले फुटाउने कि जातीय मुद्दा बोकेर अलग हुने विषयमै विवाद हुँदा पूर्व एमाले सभासद एवं आदिवासी जनजाति महासंघका पूर्वअध्यक्ष पासाङ शेर्पा लगायतले अशोक राईलाई छाडेका थिए।
प्रचण्डले पैसा दिन लागेको र त्यही पैसाले एमाले फुटाउने खेल भएको थाहा पाएरै त्यस बेला अशोक राईभन्दा चर्को स्वर उरालेर हिंडेका पृथ्वीसुब्बा गुरुङहरु पनि व्याक भएको बिस्तारै खुलासा हुन थालेको छ। पासाङले जनजाति आन्दोलनका केही अगुवाहरुसँगको अनौपचारिक छलफलमा प्रचण्डबाट राजेन्द्र्र श्रेष्ठहरुले अशोक राईको अनुमतिमा पैसा लिएको आफ्नै आँखाले देखेपछि अशोकप्रतिको भरोसा टुटेको बताएका थिए। ‘हाम्रो उद्देश्य एमाले फुटाउने वा सिध्याउने थिएन, अनि माओवादीको गोटी बन्ने पनि थिएन, तर अशोक राई र राजेन्द्र श्रेष्ठहरुले प्रचण्डको पैसा लिएर एमाले फुटाउने र प्रचण्डको डमी पार्टी बनाउने खेल बुझेपछि बाध्य भएर सामाजिक लोकतान्त्रिक पार्टी बनाउनुपरेको हो’ पासाङको भनाइ उद्धृत गर्दै जनजाति आन्दोलनका एक अगुवाले बताए।
त्यसो त संघीय समाजवादी पार्टी खोल्ने बेलामा आफूले नै पहल गरेर प्रचण्डमार्फत् अशोक राईहरुलाई ३ करोड रुपैयाँ दिलाएको एमाओवादीका नेता गोपाल किराँतीले पनि स्वीकार गरेका छन्। केही समयअघि भोजपूर पुगेका बेला उनले त्यहाँका जनजाति पत्रकारहरुसँगको अनौपचारिक छलफलमा अशोकहरुले चार करोड मागे पनि ३ करोड रुपैयाँ मात्र दिलाउन सकिएको बताएका थिए। ‘हामीले सोचे जस्तो गरी अशोकजीहरुले एमालेमा विद्रोह गराउन सक्नुभएन। केन्द्रमा दुई चार जना नेता बाहेक जिल्लामा चिनिएका प्रभावशाली नेता कार्यकर्ताहरुलाई उहाँहरुले आफूसँग ल्याउन सक्नुभएन। यस हिसाबले हाम्रो लगानी खेर गएको भन्दा हुन्छ’ किराँतीको भनाई उद्धृत गर्दै भोजपुरका एक राई थरका पत्रकारले भने ‘अब अलग पार्टीका रुपमा उहाँहरुलाई थप लगानी गरेर चुनाव जिताउने भन्दा एमाओवादीमा ल्याउनेतिर जोडबल गर्नुपर्छ, सिंगो पार्टी आउँदैन भने व्यक्तिलाई ल्याउने हो’।
यसैबीच महासचिव राजेन्द्र श्रेष्ठले एमाओवादीका नेताहरुसँग भित्रभित्रै वार्ता चलाएका छन्। प्रचण्डले दिएको र विदेशतिरबाट जनजाति महासंघ तथा जनजातिहरुबाट उठाएको पैसाले मात्र पार्टी चल्ने अवस्था नदेखिएको र जिल्लातिरको अवस्था निराशाजनक रहेकाले राजेन्द्र सहितका केही नेताहरुले सुरक्षित अवतरण खोजेका छन्। राजेन्द्र श्रेष्ठ, रिजवान अन्सारी, अजम्बर राई लगायतका नेताहरु एमाओवादीतिर प्रवेश गर्न लागेको हल्ला पनि संघीय समाजवादी पार्टीमा चलेको छ। एमाओवादीभित्रै पदका लािग मारामार भएका बेला आफूहरुको अवस्था के हुने भन्ने डरले मात्र उनीहरु चुपचाप छन्।
एमालेबाट अलग गर्ने बेलामा माओवादी नेताहरुले अशोक राईलाई उपाध्यक्ष बनाउने आश्वासन दिएका थिए। तर अहिले त्यो अवस्था पनि नरहेको बताइन्छ। पार्टीले प्रत्यक्षमा एक सिट पनि नजित्ने र समानुपातिकमा पनि आशातित उपलव्धी पाउने अवस्था नदेखिएपछि त्यस पार्टीभित्र चुनाब बहिस्कार गर्नुपर्ने आवाज पनि बलियो हुन थालेको छ। तर एमाओवादीले अशोक राई सहितका केही नेताहरुलाई चुनाव जिताइदिने आश्व्ाासन भने दिइरहेको छ। साभार ः विक्ली नेपाल डट कम बाट

माओवादीले चुनाब बहिस्कारको अडान छोडेन

Total Hits: 825

काठमाडौ, असार १८ – नेकपा—माओवादीले सक्रिय र सशक्त रुपमा चुनाव बहिस्कार गर्ने निर्णय गरेको छ ।

पोखरामा सम्पन्न केन्द्रीय समिति बैठकले चुनाव बहिष्कारका लागि हरेक निर्वाचन क्षेत्रमा केन्द्रीय सल्लाहकार तथा केन्द्रीय सदस्यको नेतृत्वमा टोली खटाउने निर्णय भएको स्रोतले जनाएको छ ।

कसलाई कुन क्षेत्रको जिम्मेवारी दिने भन्ने विषयमा भने पछि मात्रै निर्णय हुने नेकपा–माओवादीले जनाएको छ । बैठकले एक निर्वाचन केन्द्र एक सेक्सन सेनाको प्रस्ताव पारित गर्दै त्यसलाई प्रशिक्षत गर्ने निर्णय पनि गरेको छ ।

माओवादीले चुनाव बहिष्कारका लागि एक केन्द्रका लागि एक सेक्सन सेना, प्रचार टोली, मोर्चा तथा संगठनलाई केन्द्रीत गर्ने निर्णय समेत गरेको छ । यसका लागि अभियान सुरु गर्ने माओवादीले जनाएको छ ।

माओवादीले पार्टीलाई फौजिकृत गर्दै लैजाने प्रस्ताव पनि पारित गरेको छ । तर बैठकले वार्ताको ढोका भने खुल्ला राखेको जनाएको छ । चुनावको मिति सारेर सार्थक वार्ताको प्रयास भए आफूहरु वार्तामा बस्न तयार रहेको माओवादीले जनाएको छ ।