रेडियोद्वारा सहयोगीहरुको सम्झना ।।

रोजगारको शिलसशलामा दक्षिण कोरियामा रहेका रोल्पालीहरुलाई रेडियो जलजलाले आर्थिक सहयोग गरेको भन्दै सम्मान गरेको छ । कोरियामा रहेका प्रवासी रोल्पालीहरुले सामुदायिक रेडियो जलजलाको प्रगति र समृद्धीको कामना गर्दै सहयोग स्वरुप कोरियन वन १२ लाख ५०हजार अर्थात नेपाली ७७ हजार ५ सय २ रुपैयाँ प्रदान गरेका थिए । उनिहरुले रोल्पा सेवा समाज गणतन्त्र कोरिया नामक साझा संस्था मार्फत सहयोग प्रदान गरेका हुन् । यसैबीच रेडियो जलजलाका अध्यक्ष पूर्ण केसीले रोल्पा समाज सेवा गाणतन्त्र कोरियालाई धन्यवाद ब्यक्त गर्नु भएको छ । उहाँले प्रवासमा रहेर पनि रेडियो जलजलालाई माया र सहयोग गरेकोमा खुशी ब्यक्त गर्दै निरन्तर सहयोग र सुझाव दिन आग्रह गर्नु भएको छ । अध्यक्ष केसीले सेवा समाज गणतन्त्र कोरियालाई समाजका प्रतिनिधि लालबहादुर महरा मार्फत प्रशंसा पत्र पनि पठाउनु भएको छ ।